اور حضرت حکم اس میں کوئی حرج نہیں سمجھتے تھے۔ [مصنف ابن ابي شيبه/كتاب النكاح/حدیث: 17170]

حضرت نافع فرماتے ہیں کہ حضرت ابن عمر رضی اللہ عنہما نے چار سو درہم کے عوض صفیہ سے نکاح فرمایا، صفیہ نے انہیں پیغام بھیجا کہ اتنا مہر کافی نہیں ہے۔ پھر حضرت ابن عمر رضی اللہ عنہما نے حضرت عمر رضی اللہ عنہ سے چھپ کردو سو درہم کا اضافہ کیا۔ [مصنف ابن ابي شيبه/كتاب النكاح/حدیث: 17171]

حضرت سعید بن مسیب فرماتے ہیں کہ نکاح میں سنت بارہ اوقیہ پورے اور نصف اوقیہ چاندی ہے اور یہ پانچ سودرہم بنتے ہیں۔ [مصنف ابن ابي شيبه/كتاب النكاح/حدیث: 17172]

حضرت ابو سعید رضی اللہ عنہ فرماتے ہیں کہ مرد پر اس میں کوئی گناہ نہیں کہ وہ اپنے تھوڑے یا زیادہ مال کے عوض نکاح کرے، جبکہ وہ باہم رضامند ہوں اور گواہ بنا لیں۔ [مصنف ابن ابي شيبه/كتاب النكاح/حدیث: 17173]

حضرت سعید بن مسیب فرماتے ہیں کہ اگر آدمی عورت کو ایک درہ مہر میں دے تو کافی ہے۔ [مصنف ابن ابي شيبه/كتاب النكاح/حدیث: 17174]

حضرت اسحاق بن عبد اللہ بن ابی طلحہ انصاری فرماتے ہیں کہ حضور صلی اللہ علیہ وسلم نے حضرت سودہ بنت زمعہ سے ایک کمرے کے عوض نکاح کیا جو آپ کو ایک اہلیہ کی طرف سے وراثت میں ملا تھا۔ [مصنف ابن ابي شيبه/كتاب النكاح/حدیث: 17175]

ابراہیم فرماتے ہیں کہ اسلاف اس بات کو ناپسندیدہ قرار دیتے تھے کہ عورتوں کا مہر فاحشہ کی اجرت کی طرح ایک یا دو درہم رکھا جائے۔ [مصنف ابن ابي شيبه/كتاب النكاح/حدیث: 17176]

حضرت شعبی فرماتے ہیں کہ اسلاف علماء اس بات کو ناپسند قرار دیتے تھے کہ عورت کا مہر تین اوقیہ سے کم ہو۔ [مصنف ابن ابي شيبه/كتاب النكاح/حدیث: 17177]

حضرت عائشہ رضی اللہ عنہا فرماتی ہیں کہ حضور صلی اللہ علیہ وسلم نے ارشاد فرمایا کہ سب سے زیادہ برکت اس نکاح میں ہوتی ہے جس میں خرچہ سب سے کم ہوتا ہے۔ [مصنف ابن ابي شيبه/كتاب النكاح/حدیث: 17178]

حضرت محمد بن ابراہیم تیمی فرماتے ہیں کہ ابو حدرد اسلمی نے اپنی بیوی کے مہر میں حضور صلی اللہ علیہ وسلم سے مدد چاہی آپ نے فرمایا کہ تم نے اس کے لئے کتنا مہر طے کیا ہے؟ انہوں نے کہا کہ دو سو درہم، آپ صلی اللہ علیہ وسلم نے فرمایا کہ اگر تم دراہم کو بطحان نامی وادی سے ہاتھوں میں بھر کر لاتے تو اتنا زیادہ مہر نہ رکھتے۔ [مصنف ابن ابي شيبه/كتاب النكاح/حدیث: 17179]