ابراہیم رحمہ اللہ اور حضرت خیثمہ رحمہ اللہ فرماتے ہیں کہ جب بھی حائضہ ہو اور ایک طلاق واقع ہو تو تین کے بعد ایک اور حیض عدت گزارے گی۔ [مصنف ابن ابي شيبه/كتاب الطلاق/حدیث: 18714]

حضرت وکیع رحمہ اللہ فرماتے ہیں کہ لوگوں کا عمل بھی یہی ہے۔ [مصنف ابن ابي شيبه/كتاب الطلاق/حدیث: 18715]

حضرت جابر بن عبداللہ رضی اللہ عنہ اور حضرت خلاس بن عمرو رحمہ اللہ فرماتے ہیں کہ آخری طلاق کے بعد سے عدت شروع کرے گی۔ [مصنف ابن ابي شيبه/كتاب الطلاق/حدیث: 18716]

حضرت سعید بن مسیب رحمہ اللہ فرماتے ہیں کہ ہمیں یہ پسند نہیں۔ [مصنف ابن ابي شيبه/كتاب الطلاق/حدیث: 18717]

حضرت ابن عمر رضی اللہ عنہما نے جب حضرت صفیہ رحمہا اللہ سے رجوع کیا تو اس پر گواہ بنائے۔ [مصنف ابن ابي شيبه/كتاب الطلاق/حدیث: 18718]

حضرت شعبی رحمہ اللہ سے ایک آدمی کے بارے میں سوال کیا گیا کہ اس نے اپنی بیوی کو طلاق دی پھر رجوع کرلیا لیکن اسے گواہ بنانے کا علم نہیں تھا تو وہ کیا کرے؟ انہوں نے فرمایا کہ جب معلوم ہو تب گواہ بنالے۔ [مصنف ابن ابي شيبه/كتاب الطلاق/حدیث: 18719]

حضرت عامر رحمہ اللہ سے سوال کیا گیا کہ اگر ایک آدمی نے اپنی بیوی کو طلاق دی پھر رجوع پر گواہ بنائے بغیر اس سے جماع کرلیا تو کیا حکم ہے؟ انہوں نے فرمایا کہ اے مغیرہ! تم اس شخص کے بارے میں کیا کہو گے جو کسی قوم کی عورت کے ساتھ یہ کرے اور اس کا اس سے کوئی تعلق نہ ہو! [مصنف ابن ابي شيبه/كتاب الطلاق/حدیث: 18720]

حضرت ابراہیم رحمہ اللہ سے سوال کیا گیا کہ اگر ایک آدمی اپنی بیوی کو طلاق دے اور طلاق پر گواہ بنائے لیکن رجوع کرے تو رجوع پر گواہ نہ بنائے اس کا کیا حکم ہے؟ انہوں نے فرمایا کہ اس کا گناہ تو نہیں ہوتا لیکن لوگوں میں انکار کا سامنا کرنا پڑ سکتا ہے۔ [مصنف ابن ابي شيبه/كتاب الطلاق/حدیث: 18721]

حضرت حسن رحمہ اللہ سے سوال کیا گیا کہ اگر ایک آدمی اپنی بیوی کو ایک طلاق دے پھر اس سے جماع کرلے اور کسی کو گواہ نہ بنائے تو کیا حکم ہے؟ انہوں نے فرمایا کہ آدمی کو عورت سے جماع کرنا ہی رجوع ہے اب گواہ بنا لے۔ [مصنف ابن ابي شيبه/كتاب الطلاق/حدیث: 18722]

حضرت ابراہیم، حضرت شعبی اور حضرت طاؤس s فرماتے ہیں کہ جماع رجوع ہے، اب گواہ بنالے۔ [مصنف ابن ابي شيبه/كتاب الطلاق/حدیث: 18723]