حضرت شعبی رحمہ اللہ سے بھی یونہی منقول ہے۔ [مصنف ابن ابي شيبه/كتاب الطلاق/حدیث: 18724]

حضرت طاؤس رحمہ اللہ (اور دیگر حضرات) فرماتے ہیں کہ جماع رجوع ہے، اب گواہ بنالے۔ [مصنف ابن ابي شيبه/كتاب الطلاق/حدیث: 18725]

حضرت ضحاک رحمہ اللہ قرآن مجید کی آیت { وَأَشْہِدُوا ذَوَیْ عَدْلٍ مِنْکُمْ } کی تفسیر میں فرماتے ہیں کہ لوگوں کو حکم دیا گیا ہے کہ طلاق اور رجوع پر گواہ بنائیں۔ [مصنف ابن ابي شيبه/كتاب الطلاق/حدیث: 18726]

حضرت حکم رحمہ اللہ سے سوال کیا گیا کہ اگر کوئی شخص اپنی بیوی سے رجوع کرے لیکن اس پر گواہ نہ بنائے تو کیا حکم ہے؟ انہوں نے فرمایا کہ اسے رجوع پر گواہ بنانے چاہئیں۔ [مصنف ابن ابي شيبه/كتاب الطلاق/حدیث: 18727]

حضرت عطاء رحمہ اللہ فرماتے ہیں کہ جدائی اور رجوع گواہوں کے ساتھ ہوتے ہیں۔ [مصنف ابن ابي شيبه/كتاب الطلاق/حدیث: 18728]

حضرت حکم رحمہ اللہ فرماتے ہیں کہ اگر ایک آدمی نے (قسم کے ساتھ) اپنی بیوی کو طلاق دی پھر وہ حانث ہوگیا جبکہ وہ عدت میں اس سے جماع کرچکا تھا اور اسے اس بات کا علم عدت گزرنے کے بعد ہوا تو اس کا جماع کرنا رجوع ہے۔ [مصنف ابن ابي شيبه/كتاب الطلاق/حدیث: 18729]

حضرت ابراہیم رحمہ اللہ سے بھی یونہی منقول ہے۔ [مصنف ابن ابي شيبه/كتاب الطلاق/حدیث: 18730]

حضرت عمران بن حصین رضی اللہ عنہ سے سوال کیا گیا کہ اگر کوئی آدمی اپنی بیوی کو طلاق دے اور اس پر گواہ نہ بنائے اور رجوع کرے اور اس پر بھی گواہ نہ بنائے تو کیا حکم ہے؟ انہوں نے فرمایا کہ اس نے بغیر شرعی طریقے کے طلاق دی اور شرعی طریقے کے بغیر رجوع کیا اسے چاہئے کہ اس پر گواہ بنائے۔ [مصنف ابن ابي شيبه/كتاب الطلاق/حدیث: 18731]

حضرت عمر بن عبدالعزیز رحمہ اللہ نے خط میں لکھا کہ یہ ایک طلاق بائنہ ہوگی۔ [مصنف ابن ابي شيبه/كتاب الطلاق/حدیث: 18732]

یہی قتادہ رحمہ اللہ کا بھی قول ہے۔ [مصنف ابن ابي شيبه/كتاب الطلاق/حدیث: 18733]