حضرت شعبی رحمہ اللہ نابینا کی گواہی کو درست سمجھتے تھے۔ [مصنف ابن ابي شيبه/كتاب البيوع والأقضية/حدیث: 22236]

حضرت عامر رحمہ اللہ فرماتے ہیں کہ اگر نابینا شخص عادل ہو تو پھر اس کی گواہی قبول ہے۔ [مصنف ابن ابي شيبه/كتاب البيوع والأقضية/حدیث: 22237]

حضرت قتادہ جو نابینا تھا اس نے حضرت ایاس بن معاویہ رحمہ اللہ کے سامنے گواہی دی تو آپ رحمہ اللہ نے اس کی گواہی کو رد فرما دیا۔ [مصنف ابن ابي شيبه/كتاب البيوع والأقضية/حدیث: 22238]

حضرت مغیرہ رحمہ اللہ فرماتے ہیں کہ میں نے حضرت ابراہیم رحمہ اللہ سے نابینا شخص کی گواہی کے متعلق دریافت کیا؟ آپ رحمہ اللہ نے مجھ سے ایک حدیث بیان فرمائی، میرا خیال ہے کہ آپ اس کو ناپسند سمجھتے تھے۔ [مصنف ابن ابي شيبه/كتاب البيوع والأقضية/حدیث: 22239]

حضرت حکم بن عتیبہ اور القاسم بن محمد رحمہما اللہ سے دریافت کیا گیا کہ کیا نابینا کو گواہی اور امامت جائز ہے؟ تو انہوں نے جواب دیا کہ نابینا کی گواہی اور امامت سے کون سی چیز مانع ہے؟ [مصنف ابن ابي شيبه/كتاب البيوع والأقضية/حدیث: 22240]

حضرت شریح اس بات میں کوئی حرج نہ سمجھتے تھے کہ عطاء کو سامان کے بدلے فروخت کیا جائے۔ [مصنف ابن ابي شيبه/كتاب البيوع والأقضية/حدیث: 22241]

راوی فرماتے ہیں کہ حضرت شعبی رحمہ اللہ نے فرمایا کہ اسے نہ سامان کے بدلے خریدا جائے اور نہ کسی اور چیز کے بدلے۔ [مصنف ابن ابي شيبه/كتاب البيوع والأقضية/حدیث: 22242]

حضرت ابن عباس رضی اللہ عنہما کے نزدیک سامان کے علاوہ عطاء کی بیع مکروہ ہے۔ [مصنف ابن ابي شيبه/كتاب البيوع والأقضية/حدیث: 22243]

شعبی سے عطا میں زیادتی کی خریداری کے بارے میں سوال کیا گیا تو انہوں نے فرمایا کہ میں نہ اس کا حکم دیتا ہوں نہ اس سے منع کرتا ہوں میں خود کو اور اپنی اولاد کو اس سے روکتا ہوں۔ اسے مسلمانوں کے امراء نے کیا ہے اور مجھ سے بہتر تھے۔ [مصنف ابن ابي شيبه/كتاب البيوع والأقضية/حدیث: 22244]

بکر بن عثمان فرماتے ہیں کہ میں خراسان میں ریشم اور دراہم کے بدلے عطاء کی زیادتی کو خریدا کرتا تھا۔ ایک سال میں نے حج کیا اور اس بارے میں حضرت سالم سے سوال کیا تو انہوں نے فرمایا کہ اس میں کچھ حرج نہیں اگر سامان کے ساتھ ہوں۔ البتہ دراہم کے ساتھ میں مکروہ سمجھتا ہوں۔ [مصنف ابن ابي شيبه/كتاب البيوع والأقضية/حدیث: 22245]