حضرت جعفر کے والد فرماتے ہیں کہ مصحف کی کتابت پر اجرت دینے میں کوئی حرج نہیں۔ [مصنف ابن ابي شيبه/كتاب البيوع والأقضية/حدیث: 21446]

حضرت ابراہیم کے نزدیک مصحف کی کتابت پر اجرت لینا مکروہ ہے۔ [مصنف ابن ابي شيبه/كتاب البيوع والأقضية/حدیث: 21447]

حضرت مجاہد فرماتے ہیں کہ میں حضرت ابن عمر رضی اللہ عنہما کے ساتھ غلام فروشوں کے ایک بازار سے گزرا۔ وہاں کچھ لوگ ایک باندی کے پاس جمع ہو کر اسے الٹ پلٹ کر دیکھ رہے تھے۔ جب انہوں نے حضرت ابن عمر رضی اللہ عنہما کو دیکھا تو پیچھے ہٹ گئے اور کہا کہ ابن عمر رضی اللہ عنہما آگئے۔ حضرت ابن عمر رضی اللہ عنہما اس باندی کے پاس گئے اور اسے چھوا پھر فرمایا کہ اس باندی کے مالک کہاں ہیں یہ تو ایک سامان ہے۔ [مصنف ابن ابي شيبه/كتاب البيوع والأقضية/حدیث: 21448]

حضرت نافع فرماتے ہیں کہ حضرت ابن عمر رضی اللہ عنہما جب کوئی باندی خریدنے کا ارادہ کرتے تو اپنا ہاتھ اس کے سرینوں پر اور اس کی رانوں کے درمیان رکھتے اور بعض اوقات اس کی پنڈلی سے کپڑا اٹھاتے۔ [مصنف ابن ابي شيبه/كتاب البيوع والأقضية/حدیث: 21449]

ابراہیم، حضرت عبد اللہ رضی اللہ عنہ کے شاگردوں میں سے ایک صاحب سے نقل کرتے ہیں کہ انہوں نے فرمایا کہ میرے لیے اسے چھونا اور اس دیوار کو چھونا ایک جیسا ہے۔ [مصنف ابن ابي شيبه/كتاب البيوع والأقضية/حدیث: 21450]

حضرت ابو جعفر نے ایک باندی کا معاملہ کیا پھر اس کے سینے اور پستان کو ہاتھ لگایا۔ [مصنف ابن ابي شيبه/كتاب البيوع والأقضية/حدیث: 21451]

حضرت عطاء سے مکہ میں فروخت کی جانے والی باندیوں کے بارے میں سوال کیا گیا تو انہوں نے انہیں دیکھنے کو ناپسند فرمایا، سوائے اس شخص کے جو خریدنا چاہتا ہو۔ [مصنف ابن ابي شيبه/كتاب البيوع والأقضية/حدیث: 21452]

محمد کو جب کوئی باندی دیکھنے کے لیے بھیجی جاتی تھی تو وہ اس کی پنڈلیاں اور بازو کھول کر دیکھتے تھے۔ [مصنف ابن ابي شيبه/كتاب البيوع والأقضية/حدیث: 21453]

ابراہیم کے ایک دوست اسود نے انہیں لکھا کہ ان کے لیے ایک باندی خرید لیں۔ انہوں نے خرید لی اور باندی کی پنڈلی میں کچھ عیب نکالا۔ یہ بات اسود کو معلوم ہوئی تو انہوں نے کہا کہ مجھے یہ پسند نہیں کہ میں نے اس کی پنڈلیاں دیکھی ہوں، اور نہ یہ کہ اس کے بدلے مجھے اتنا اتنا مل جائے۔ [مصنف ابن ابي شيبه/كتاب البيوع والأقضية/حدیث: 21454]

حضرت ابو موسیٰ رضی اللہ عنہ نے لوگوں کو خطبہ دیا جس میں فرمایا کہ اگر مجھے معلوم ہوا کہ کسی شخص نے باندی خریدتے ہوئے اسے سینے سے نیچے یا گھٹنوں سے اوپر سے دیکھا ہے تو میں اسے سزا دوں گا۔ [مصنف ابن ابي شيبه/كتاب البيوع والأقضية/حدیث: 21455]