حضرت شعبی ارشاد فرماتے ہیں کہ آزاد شخص کا اپنے اوپر غلامیت کا اقرار کرنے سے وہ غلام نہیں ہوگا۔ [مصنف ابن ابي شيبه/كتاب البيوع والأقضية/حدیث: 24326]

حضرت حارث سے مروی ہے کہ ایک شخص کہنے لگا کہ میں فلاں شخص کا غلام تھا، یا میرے والد فلاں کے غلام تھے یا میری والدہ فلاں کی باندی تھیں۔ وہ فلاں شخص کہنے لگا کہ تم آج میرے غلام ہو، فرمایا کہ جب وہ پہلے سے آزاد ہوں اور جان لیا جائے کہ وہ آزاد کردہ موالی ہیں تو وہ صرف دعویٰ کرنے سے غلام شمار نہ ہوں گے مگر یہ کہ وہ عادل گواہ لے آئیں۔ اور وہ گواہ گواہی دیں کہ یہ آج تک اس کے غلام ہیں۔ [مصنف ابن ابي شيبه/كتاب البيوع والأقضية/حدیث: 24327]

حضرت حکم فرماتے ہیں کہ شریکین میں سے کسی ایک پر قرضہ آجائے تو وہ دونوں پر لازم آئے گا۔ [مصنف ابن ابي شيبه/كتاب البيوع والأقضية/حدیث: 24328]

حضرت شریح رحمہ اللہ فرماتے ہیں کہ کفیل ضامن ہوگا۔ [مصنف ابن ابي شيبه/كتاب البيوع والأقضية/حدیث: 24329]

محمد رحمہ اللہ فرماتے ہیں کہ میں نے حضرت شریح سے عرض کیا: میرے کفیل اور میرے درمیان رکاوٹ حائل کردی گئی، اور میرا مال نام زد کرکے وصول کیا گیا اور میرے غریم کا مال میرے علاوہ تقسیم کردیا گیا۔ آپ نے فرمایا: اگر کفیل مخیر تھا تو وہ ضامن ہے، اور اگر تیرا مال نام زد کرکے وصول کیا گیا تو تو اپنے مال کا زیادہ حق دار ہے، اور اگر تیرے غریم کا مال تیرے علاوہ تقسیم کردیا گیا تو وہ حصوں کے ساتھ ہوگا۔ [مصنف ابن ابي شيبه/كتاب البيوع والأقضية/حدیث: 24330]

حضرت ابو امامہ الباہلی رضی اللہ عنہ فرماتے ہیں کہ میں نے حضرت نبی کریم صلی اللہ علیہ وسلم کو خطبہ حجۃ الوداع کے موقعہ پر فرماتے ہوئے سنا کہ قرضہ کو بہر صورت اتارنا ضروری ہے اور کفیل ضامن ہے۔ (قرضے کی ادائیگی کرنے والا ہے۔) [مصنف ابن ابي شيبه/كتاب البيوع والأقضية/حدیث: 24331]

حضرت طاؤس اور حضرت مجاہد فرماتے ہیں کہ اللہ کے ارشاد { فَکَاتِبُوہُمْ إِنْ عَلِمْتُمْ فِیہِمْ خَیْرًا } سے مراد مال اور امانت ہے۔ [مصنف ابن ابي شيبه/كتاب البيوع والأقضية/حدیث: 24332]

حضرت عطاء فرماتے ہیں کہ اس کی ادائیگی اور اس کا مال مراد ہے۔ [مصنف ابن ابي شيبه/كتاب البيوع والأقضية/حدیث: 24333]

حضرت عبیدہ فرماتے ہیں کہ جب کہ وہ نماز پڑھے۔ [مصنف ابن ابي شيبه/كتاب البيوع والأقضية/حدیث: 24334]

حضرت عطاء فرماتے ہیں کہ اس کی ادائیگی اور اس کا مال مراد ہے۔ [مصنف ابن ابي شيبه/كتاب البيوع والأقضية/حدیث: 24335]