حضرت عطاء فرماتے ہیں کہ ہم نے ہمیشہ یہی سنا کہ مرہونہ چیز اس مال کے بدلہ میں ہوجائے گی جس کی وجہ سے رہن رکھی گئی ہے۔ [مصنف ابن ابي شيبه/كتاب البيوع والأقضية/حدیث: 24286]

حضرت عطاء فرماتے ہیں کہ ہم نے ہمیشہ یہی سنا کہ مرہونہ چیز اس مال کے بدلہ میں ہوجائے گی جس کی وجہ سے رہن رکھی گئی ہے۔ [مصنف ابن ابي شيبه/كتاب البيوع والأقضية/حدیث: 24287]

حضرت عمر رضی اللہ عنہارشاد فرماتے ہیں اگر مرہونہ چیز کی قیمت اسی شے سے زیادہ ہے جس کے بدلہ میں اس کو رہن رکھا گیا ہے تو اس زیادتی میں وہ شخص (جس کے پاس رہن رکھی ہے) امین سمجھا جائے گا اور اگر مرہونہ شے کی قیمت کم ہے تو باقی قیمت راہن اس شخص کو ادا کرے گا۔ [مصنف ابن ابي شيبه/كتاب البيوع والأقضية/حدیث: 24288]

حضرت ابن سیرین فرماتے ہیں کہ مرہونہ چیز اس مال کے بدلہ میں ہوجائے گی جس کی وجہ سے رہن رکھی گئی ہے۔ [مصنف ابن ابي شيبه/كتاب البيوع والأقضية/حدیث: 24289]

حضرت ابن جابان فرماتے ہیں کہ میں سونے کی انگوٹھی کے متعلق جھگڑتے ہوئے حضرت شریح کے پاس آیا تو انہوں نے فرمایا: مرہونہ شے اس چیز کے بدلہ میں ہوجائے گی جس میں وہ رہن کے طور پر رکھی گئی۔ [مصنف ابن ابي شيبه/كتاب البيوع والأقضية/حدیث: 24290]

حضرت فاطمہ بنت حسین سے مروی ہے کہ حضرت زید بن حارثہ رضی اللہ عنہ ایلہ سے تشریف لائے، انہیں سواریوں کی ضرورت پڑی تو انہوں نے ان میں سے بعض کو فروخت کر دیا، جب وہ نبی کریم صلی اللہ علیہ وسلم کی خدمت میں حاضر ہوئے تو آپ نے ان میں سے ایک عورت کو روتے ہوئے دیکھا، دریافت فرمایا: اس کا کیا معاملہ ہے؟ آپ کو بتایا گیا کہ حضرت زید نے اس کا بچہ فروخت کر دیا ہے، تو نبی کریم صلی اللہ علیہ وسلم نے ان سے فرمایا: اس کو واپس لاؤ یا اس کو خرید لو۔ [مصنف ابن ابي شيبه/كتاب البيوع والأقضية/حدیث: 24291]

حضرت علی رضی اللہ عنہ سے مروی ہے کہ آنحضرت صلی اللہ علیہ وسلم نے میرے ساتھ دو قیدی بچوں کو بھیجا، تاکہ میں ان کو فروخت کر آؤں۔ آنحضرت صلی اللہ علیہ وسلم نے دریافت فرمایا اکھٹے فروخت کیا ہے یا پھر الگ؟ میں نے عرض کیا کہ الگ، آپ نے فرمایا کہ ان کو پکڑو (یعنی واپس لے کر آؤ)۔ [مصنف ابن ابي شيبه/كتاب البيوع والأقضية/حدیث: 24292]

حضرت عمر رضی اللہ عنہ نے تحریر فرمایا: دو بھائیوں کے درمیان علیحدگی مت کرو، اکٹھے فروخت کرو، یا ایک ساتھ اپنے پاس رکھو۔ [مصنف ابن ابي شيبه/كتاب البيوع والأقضية/حدیث: 24293]

حضرت عمر رضی اللہ عنہ نے فرمایا: ماں اور اس کی اولاد کے درمیان تفریق مت کرو۔ [مصنف ابن ابي شيبه/كتاب البيوع والأقضية/حدیث: 24294]

حضرت عثمان بن عفان رضی اللہ عنہ نے عقال کو لکھا کہ غلاموں کے سو گھرانے خرید کر مدینہ کی طرف ان کو لے جاؤ، لیکن ان میں کوئی ایسا غلام مت خریدو جس میں اس کے اور اس کے والدین کے درمیان تفریق لازم آئے۔ [مصنف ابن ابي شيبه/كتاب البيوع والأقضية/حدیث: 24295]