حسن فرماتے ہیں کہ اگر کوئی مکاتب کچھ بدل کتابت دینے کے بعد عاجز آگیا اور اس کے مالکوں نے اس پر یہ شرط لگائی تھی تو وہ غلامی میں واپس لوٹا دیا جائے گا، جب اس نے آدھابدلِ کتابت ادا کردیا تو وہ مقروض ہوگا۔ [مصنف ابن ابي شيبه/كتاب البيوع والأقضية/حدیث: 21816]

حضرت محمد بن زیاد فرماتے ہیں کہ جب اس نے آدھابدلِ کتابت ادا کردیا تو وہ مقروض ہوگا۔ [مصنف ابن ابي شيبه/كتاب البيوع والأقضية/حدیث: 21817]

حضرت ابراہیم فرماتے ہیں کہ جب اس نے ایک تہائی یا ربع یا نصف ادا کردیا تو اب وہ اسے غلام نہیں بناسکتے۔ [مصنف ابن ابي شيبه/كتاب البيوع والأقضية/حدیث: 21818]

حضرت ام سلمہ رضی اللہ عنہا سے روایت ہے کہ رسول اللہ صلی اللہ علیہ وسلم نے ارشاد فرمایا کہ جب تم میں سے کسی کا کوئی مکاتب غلام ہو اور اس کے پاس بدل کتابت کی ادائیگی کے قابل مال ہو تو اس سے پردہ کرو۔ [مصنف ابن ابي شيبه/كتاب البيوع والأقضية/حدیث: 21819]

ابراہیم فرماتے ہیں کہ کہا جاتا تھا کہ جب ثلث یاربع ادا کردیا تو وہ مقروض ہے۔ [مصنف ابن ابي شيبه/كتاب البيوع والأقضية/حدیث: 21820]

حضرت علی رضی اللہ عنہ فرماتے ہیں کہ جس قدر بدل کتابت وہ ادا کرتا جائے گا اسی قدر آزاد ہوتاجائے گا۔ [مصنف ابن ابي شيبه/كتاب البيوع والأقضية/حدیث: 21821]

حضرت حارث، ان کے ساتھی اور ابراہیم فرماتے ہیں کہ قرض کی ادائیگی فوراً واجب ہوتی ہے خواہ وہ کسی مقررہ مدت تک کے لیے ہی کیوں نہ ہو۔ [مصنف ابن ابي شيبه/كتاب البيوع والأقضية/حدیث: 21822]

ابراہیم، حضرت حارث اور ان کے ساتھی فرماتے ہیں کہ قرض کی ادائیگی فوراً واجب ہوتی ہے خواہ وہ کسی مقررہ مدت تک کے لیے ہی کیوں نہ ہو۔ [مصنف ابن ابي شيبه/كتاب البيوع والأقضية/حدیث: 21823]

حضرت ابراہیم سے سوال کیا گیا کہ اگر کوئی شخص اپنی باندی کو بیچے یا آزاد کرے اور اس کے حمل کو مستثنیٰ کردے تو کیا حکم ہے؟ آپ نے فرمایا کہ اگر حمل کی خلقت ظاہرہوچ کی ہوتواستثناء درست ہے اور اگر اس کی خلقت ظاہر نہیں ہوئی تو استثناء درست نہیں۔ [مصنف ابن ابي شيبه/كتاب البيوع والأقضية/حدیث: 21824]

حضرت حسن بیع میں استثناء کو درست قرار دیتے تھے لیکن آزادی میں نہیں۔ [مصنف ابن ابي شيبه/كتاب البيوع والأقضية/حدیث: 21825]