حضرت محمد بن سائب بن ابی ہندبہ، اپنے والد سے روایت کرتے ہیں۔ وہ کہتے ہیں کہ میں نے حضرت عمر (کے جسم) پر دو قطری کپڑے دیکھے۔ [مصنف ابن ابي شيبه/كتاب اللباس/حدیث: 26500]

حضرت ابو النوار سے روایت ہے۔ وہ کہتے ہیں کہ میں نے حضرت علی رضی اللہ عنہ کو دو موٹی قمیصیں خریدتے دیکھا۔ ان میں سے ایک (کو چننے) کا اختیار انہوں نے قنبر کو دیا۔ [مصنف ابن ابي شيبه/كتاب اللباس/حدیث: 26501]

حضرت علی بن ربیعہ رحمہ اللہ سے روایت ہے۔ وہ کہتے ہیں کہ میں نے حضرت علی رضی اللہ عنہ (کے جسم) پر دو قطری کپڑے دیکھے۔ [مصنف ابن ابي شيبه/كتاب اللباس/حدیث: 26502]

حضرت ابراہیم سے روایت ہے۔ وہ کہتے ہیں کہ تم سے پہلے لوگ کپڑوں کے اعتبار سے سخت تھے اور دلوں کے اعتبار سے نرم تھے۔ [مصنف ابن ابي شيبه/كتاب اللباس/حدیث: 26503]

حضرت ابو طلحہ سے روایت ہے۔ وہ کہتے ہیں کہ حضرت طلحہ بن عبید اللہ باہر تشریف لائے اور آپ (کے جسم) پر ہلکی زردی والے دو کپڑے تھے۔ [مصنف ابن ابي شيبه/كتاب اللباس/حدیث: 26504]

حضرت ام سلمہ سے روایت ہے۔ وہ کہتی ہیں کہ جناب نبی کریم صلی اللہ علیہ وآلہ وسلم سے سوال کیا گیا: عورت اپنے دامن کو کتنا لمبا کرسکتی ہے؟ آپ صلی اللہ علیہ وآلہ وسلم نے فرمایا: ”ایک بالشت“ سائلہ نے کہا۔ تب تو عورت کا جسم ظاہر ہوگا۔ آپ صلی اللہ علیہ وآلہ وسلم نے فرمایا: ”پھر ایک ہاتھ، اس سے زیادہ نہ کرے۔“ [مصنف ابن ابي شيبه/كتاب اللباس/حدیث: 26505]

حضرت ابن عمر رضی اللہ عنہما سے روایت ہے کہ جناب نبی کریم صلی اللہ علیہ وآلہ وسلم کی ازواجِ مطہرات کو دامن میں ایک بالشت کی جازت دی گئی تھی۔ پس وہ ہمارے پاس آتیں اور ہم کانے کے ذریعہ سے ان کے لئے ایک ذراع ماپ دیتے۔ [مصنف ابن ابي شيبه/كتاب اللباس/حدیث: 26506]

حضرت حسن سے روایت ہے کہ جناب نبی کریم صلی اللہ علیہ وآلہ وسلم نے حضرت فاطمہ کے لئے ایک بالشت ناپ دی اور فرمایا: ”یہ تمہارے دامن کی مقدار ہے۔“ [مصنف ابن ابي شيبه/كتاب اللباس/حدیث: 26507]

حضرت ابوہریرہ سے روایت ہے کہ جناب نبی کریم صلی اللہ علیہ وآلہ وسلم نے حضرت فاطمہ یا حضرت ام سلمہ سے فرمایا: ”تمہارا دامن ایک ہاتھ ہے۔“ [مصنف ابن ابي شيبه/كتاب اللباس/حدیث: 26508]

حضرت اسماعیل بن ابو خالد، حضرت یونس بن ابو خالد سے روایت کرتے ہیں کہ انہوں نے کہا: اس بات کا حکم دیا جاتا تھا کہ عورت اپنا دامن ایک ہاتھ بنائے۔ [مصنف ابن ابي شيبه/كتاب اللباس/حدیث: 26509]