راوی کہتے ہیں کہ شیخ یعنی حضرت علی رضی اللہ عنہ جانگیا پہنا کرتے تھے۔ [مصنف ابن ابي شيبه/كتاب اللباس/حدیث: 26480]

حضرت عبد الرحمن بن قاسم، اپنے والد سے، حضرت عائشہ رضی اللہ عنہا کے بارے میں روایت کرتے ہیں کہ وہ اپنے غلاموں کو۔ جبکہ وہ غلام حالت احرام میں ہوتے تھے۔ جانگیے پہننے کا حکم دیا کرتی تھیں۔ [مصنف ابن ابي شيبه/كتاب اللباس/حدیث: 26481]

حضرت انس سے روایت ہے۔ وہ کہتے ہیں کہ حضرت ابو موسیٰ جب سونے لگتے تو آپ اس ڈر سے کہ آپ کا ستر ظاہر نہ ہوجائے۔ آپ جانگیا پہنا کرتے تھے۔ [مصنف ابن ابي شيبه/كتاب اللباس/حدیث: 26482]

حضرت ابو عثمان سے روایت ہے۔ وہ کہتے ہیں کہ حضرت عمر نے حضرت ابو موسیٰ کو خط لکھا:”گھوڑوں کی رکابیں کاٹ دو اور ان پر اچھل کر سوار ہو، جوتے پہنو اور موزے اتار دو، شلواروں کی جگہ تہ بند پہنو، نشانے پر تیر مارو، معدی طرز کے کھردرے اور سخت کپڑے پہنو، عجمیوں کے طریقے سے بچو، کیونکہ عجمیوں کا طریقہ بدترین طریقہ ہے۔“ [مصنف ابن ابي شيبه/كتاب اللباس/حدیث: 26483]

حضرت سوید بن قیس سے روایت ہے۔ وہ کہتے ہیں کہ جناب رسول اللہ صلی اللہ علیہ وآلہ وسلم ہمارے پاس تشریف لائے اور آپ نے ہمارے ساتھ پائجامہ کا سودا کیا۔ [مصنف ابن ابي شيبه/كتاب اللباس/حدیث: 26484]

حضرت معاذ بن علائ، اپنے والد، اپنے دادا سے روایت کرتے ہیں کہ انہوں نے فرمایا: حضرت علی رضی اللہ عنہ نے ہمیں کوفہ میں خطبہ دیا اور آپ نے پائجامہ پہنا ہوا تھا۔ [مصنف ابن ابي شيبه/كتاب اللباس/حدیث: 26485]

حضرت حفص بن ابی منصور سے روایت ہے۔ وہ کہتے ہیں کہ میں نے حضرت شعبی کو پائجامہ پہنے دیکھا۔ [مصنف ابن ابي شيبه/كتاب اللباس/حدیث: 26486]

حضرت مہدی سے روایت ہے۔ وہ کہتے ہیں کہ جب سردی کا موسم ہو تو حضرت حسن دھاری دار یمنی پائجامہ اور دھاری دار یمنی قبا پہنتے تھے۔ [مصنف ابن ابي شيبه/كتاب اللباس/حدیث: 26487]

حضرت ابو مجلز سے روایت ہے۔ وہ کہتے ہیں کہ حضرت عمر کا خط آیا۔ کہ تم لوگ پائجامے اتار دو اور ازار پہنو۔ [مصنف ابن ابي شيبه/كتاب اللباس/حدیث: 26488]

حضرت ابو عیینہ کے آزاد کردہ غلام حضرت واصل سے روایت ہے۔ وہ کہتے ہیں کہ حضرت ابراہیم کی طرف اللہ تعالیٰ نے وحی بھیجی کہ آپ مجھے مخلوق میں سے سب سے زیادہ عزیز ہیں۔ پس جب تم نماز پڑھو تو زمین تمہارے ستر کو نہ دیکھے اور تم پائجامہ بنا لو۔ [مصنف ابن ابي شيبه/كتاب اللباس/حدیث: 26489]