حضرت ابو سعاد حضرت عبداللہ سے نقل کرتے ہیں کہ حضرت محمد ابن حنفیہ نے کسی آدمی کو یوں کہتے ہوئے سنا: ”اوئے“۔ تو آپ نے اسے منع فرمایا۔ [مصنف ابن ابي شيبه/ كتاب الأدب/حدیث: 27894]

حضرت عیسیٰ بن مسیب فرماتے ہیں کہ حضرت ابراہیم ہر اس چیز کو ناپسند سمجھتے تھے جس کے آخر میں لفظ ویہ آتا ہو۔ [مصنف ابن ابي شيبه/ كتاب الأدب/حدیث: 27895]

حضرت قاسم بن مخیمرہ فرماتے ہیں کہ حضرت لقمان (علیہ السلام) نے اپنے بیٹے سے فرمایا: اس حال میں کہ آپ (علیہ السلام) اسے وعظ و نصیحت کر رہے تھے: اے میرے بیٹے! سر پر کپڑا لپیٹنے سے بچو، اس لیے کہ یہ رات میں خوف کا باعث اور دن میں ذلالت یا مذمت کا باعث بنتا ہے۔ [مصنف ابن ابي شيبه/ كتاب الأدب/حدیث: 27896]

حضرت عبیدہ فرماتے ہیں کہ میں نے حضرت طاؤس کو دیکھا انہوں نے راہبوں کی طرح سر پر کپڑا لپیٹا ہوا تھا راہبوں کی طرح۔ [مصنف ابن ابي شيبه/ كتاب الأدب/حدیث: 27897]

حضرت ابو العلاء فرماتے ہیں کہ میں نے حضر ت حسن بن علی رضی اللہ عنہ کو دیکھا کہ وہ اپنے سر پر کپڑا لپیٹ کر نماز پڑھ رہے تھے۔ [مصنف ابن ابي شيبه/ كتاب الأدب/حدیث: 27898]

حضرت عبید اللہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: جو شخص اس حال میں سوئے کہ اس کے ہاتھ میں گوشت کی چکناہٹ کی بو ہو پھر اسے کوئی تکلیف پہنچ جائے تو وہ ہرگز ملامت نہ کرے مگر اپنے ہی نفس کو۔ [مصنف ابن ابي شيبه/ كتاب الأدب/حدیث: 27899]

حضرت واصل فرماتے ہیں کہ حضرت ابراہیم نے ارشاد فرمایا: کہ یقینا شیطان چکنائی میں موجود ہوتا ہے۔ [مصنف ابن ابي شيبه/ كتاب الأدب/حدیث: 27900]

حضرت ابوہریرہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا جو شخص اس حال میں سوئے کہ اس کے ہاتھ میں گوشت کی چکناہٹ کی بو ہو اس نے اسے دھویا نہ ہو پھر اسے کوئی تکلیف پہنچ جائے تو وہ ہرگز ملامت نہ کرے مگر اپنے ہی نفس کو۔ [مصنف ابن ابي شيبه/ كتاب الأدب/حدیث: 27901]

حضرت میمون بن ابو شبیب فرماتے ہیں کہ حضرت صعصعہ نے اپنے بھتیجے سے فرمایا: بیشک میں تیرے باپ کے نزدیک تجھ سے زیادہ پسندیدہ تھا۔ اور تو میرے نزدیک میرے بیٹے سے زیادہ پسندیدہ ہے۔ جب تو کسی مومن سے ملے تو اس کے ساتھ مل جل کر رہ اور جب تو کسی بدکار سے ملے تو اس کی مخالفت کر۔ [مصنف ابن ابي شيبه/ كتاب الأدب/حدیث: 27902]

حضرت یحییٰ بن وثاب نبی کریم صلی اللہ علیہ وآلہ وسلم کے کسی صحابی سے نقل کرتے ہیں کہ نبی کریم صلی اللہ علیہ وآلہ وسلم نے ارشاد فرمایا: وہ مومن جو لوگوں کے ساتھ مل جل کر رہتا ہے اور ان کی تکلیفوں پر صبر کرتا ہے یہ افضل ہے اس شخص سے جو نہ لوگوں کے ساتھ مل جل کر رہتا ہے اور نہ ان کی تکلیفوں پر صبر کرتا ہے۔ [مصنف ابن ابي شيبه/ كتاب الأدب/حدیث: 27903]