حضرت علی رضی اللہ عنہ نے فرمایا کہ زبان میں دیت ہے۔ [مصنف ابن ابي شيبه/كتاب الديات/حدیث: 28661]

حضرت ابراہیم کا ارشاد ہے کہ زبان میں دیت ہے۔ [مصنف ابن ابي شيبه/كتاب الديات/حدیث: 28662]

حضرت ابن جریج کا ارشاد ہے کہ مجھے عبدالعزیز بن عمر نے بتایا کہ امرائے اجناد نے عمر بن عبدالعزیز کے زمانہ میں اس بات پر اتفاق کرلیا تھا کہ ٹھوڑی میں دیت کا تہائی ہے۔ [مصنف ابن ابي شيبه/كتاب الديات/حدیث: 28663]

حضرت ابن جریج نے فرمایا ہے کہ مجھ کو شعبی سے یہ بات پہنچی ہے کہ انہوں نے کہا کہ جبڑا جب توڑ دیا جائے تو اس میں چالیس دینار ہیں۔ [مصنف ابن ابي شيبه/كتاب الديات/حدیث: 28664]

حضرت ابن جریج کا ارشاد ہے کہ مجھ کو سعید بن مسیب سے یہ بات بیان کی گئی ہے کہ انہوں نے انسان کے دونوں جبڑوں کے بارے میں فرمایا کہ جبڑے ٹوٹنے کی دیت کا اندازہ انگوٹھے سے لگایا جائے گا، اس طرح کہ اس کا انگوٹھا موڑا جائے، پھر اس کا نچلا پورا رکھا جائے اور وہ اپنا منہ کھولے اور انہیں اپنے دونوں جبڑوں کے درمیان رکھے، پھر منہ کھلنے میں انگوٹھے کے نچلے پورے سے جتنی کمی ہو اسی کے حساب سے دیت ہوگی۔ [مصنف ابن ابي شيبه/كتاب الديات/حدیث: 28665]

حضرت عکرمہ بن خالد اٰل عمر کے ایک آدمی سے روایت کرتے ہیں کہ آپ صلی اللہ علیہ وآلہ وسلم کا ارشاد ہے کہ ہاتھ میں پچاس اونٹ ہیں۔ [مصنف ابن ابي شيبه/كتاب الديات/حدیث: 28666]

حضرت ابوبکر بن عمرو بن حزم کا ارشاد ہے کہ آپ صلی اللہ علیہ وآلہ وسلم نے عمرو بن حزم کو خط لکھا اس میں تھا کہ ہاتھ میں پچاس اونٹ ہیں۔ [مصنف ابن ابي شيبه/كتاب الديات/حدیث: 28667]

حضرت علی رضی اللہ عنہ نے فرمایا کہ ہاتھ میں آدھی دیت ہے۔ [مصنف ابن ابي شيبه/كتاب الديات/حدیث: 28668]

حضرت علی رضی اللہ عنہ کا ارشاد ہے کہ ہاتھ میں آدھی دیت ہے یعنی پچاس اونٹ چار حصوں میں ہوں گے ایک چوتھائی پانچویں سال میں چلنے والے اور چوتھائی چوتھے سال میں چلنے والے اور ایک چوتھائی تیسرے سال میں چلنے والی اونٹنیاں اور ایک چوتھائی دوسرے سال میں چلنے والی اونٹنیاں ہوں گی۔ [مصنف ابن ابي شيبه/كتاب الديات/حدیث: 28669]

حضرت علی رضی اللہ عنہ کا ارشاد ہے کہ ہاتھ میں آدھی دیت ہے۔ [مصنف ابن ابي شيبه/كتاب الديات/حدیث: 28670]