حضرت جابر بن عبداللہ فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا: غرہ میں ایک غلام یا باندی ادا کرتے ہیں۔ [مصنف ابن ابي شيبه/كتاب الديات/حدیث: 29051]

حضرت جابر فرماتے ہیں کہ حضرت عامر نے ارشاد فرمایا! ہر حمل کی بنیاد میں ہی غرہ یعنی غلام یا باندی ہے۔ [مصنف ابن ابي شيبه/كتاب الديات/حدیث: 29052]

حضرت وکیع فرماتے ہیں کہ حضرت حکم نے فرمایا: حمل کی ابتداء میں تو صلح ہوگی یہاں تک کہ بچہ کی خلقت ظاہر ہوجائے۔ [مصنف ابن ابي شيبه/كتاب الديات/حدیث: 29053]

حضرت وکیع نے فرمایا: حضرت حکم کا قول امام شعبی کے قول سے زیادہ پسندیدہ ہے۔ [مصنف ابن ابي شيبه/كتاب الديات/حدیث: 29054]

ابراہیم اور حسن بصری اور حضرت عطاء ان سب حضرات نے اس شخص کے بارے میں جو عورت کے پیٹ میں موجود بچہ کو تکلیف پہنچائے یوں ارشاد فرمایا: یقینا اس شخص پر غرہ کے ساتھ غلام کا آزاد کرنا بھی ضروری ہے۔ [مصنف ابن ابي شيبه/كتاب الديات/حدیث: 29055]

حضرت یونس نے حسن بصری سے بھی اسی طرح روایت کیا ہے۔ [مصنف ابن ابي شيبه/كتاب الديات/حدیث: 29056]

حجاج نے حضرت عطاء سے روایت کیا کہ ان حضرات نے اس شخص کے بارے میں جو عورت کے پیٹ میں موجود بچہ کو تکلیف پہنچائے یوں ارشاد فرمایا: یقینا اس شخص پر غرہ کے ساتھ غلام کا آزاد کرنا بھی ضروری ہے۔ [مصنف ابن ابي شيبه/كتاب الديات/حدیث: 29057]

حضرت شعبہ فرماتے ہیں کہ میں نے حضرت حکم کو یوں ارشاد فرماتے ہوئے سنا کہ جب کوئی کسی عورت کو ضرب لگائے جس سے اس کا بچہ ساقط ہوجائے تو لگانے والا غلام آزاد کرے گا۔ [مصنف ابن ابي شيبه/كتاب الديات/حدیث: 29058]

حضرت عمر بن ذر فرماتے ہیں کہ حضرت مجاہد نے ارشا فرمایا: کہ جب ایک عورت نے کسی عورت کے پیٹ پر ہاتھ پھیرا جس سے اس کا حمل ساقط ہوگیا تو اس عورت کو حضرت عمر نے غلام آزاد کرنے کا حکم دیا۔ [مصنف ابن ابي شيبه/كتاب الديات/حدیث: 29059]

طارق فرماتے ہیں کہ حضرت شعبی نے ارشاد فرمایا: غرہ کی قیمت پانچ سو درہم ہیں۔ [مصنف ابن ابي شيبه/كتاب الديات/حدیث: 29060]