حضرت ابن عباس رضی اللہ عنہما سے { سَیَجْعَلُ لَہُمُ الرَّحْمَن وُدًّا } کے بارے میں روایت ہے۔ فرمایا: ان سے خدا محبت کرتا ہے اور ان کو (لوگوں کا) محبوب بنا دیتا ہے۔ [مصنف ابن ابي شيبه/كتاب الزهد/حدیث: 37514]

حضرت ابن عباس رضی اللہ عنہما سے روایت ہے وہ کہتے ہیں کہ ابن آدم کے تینتیس اعضاء ہیں اور اس کے ہر عضو پر خدا کی تسبیح، تحمید اور ذکر کی زکوٰۃ ہے۔ [مصنف ابن ابي شيبه/كتاب الزهد/حدیث: 37515]

حضرت ابن عباس رضی اللہ عنہما سے { لِکَیْلاَ تَأْسَوْا عَلَی مَا فَاتَکُمْ وَلاَ تَفْرَحُوا بِمَا آتَاکُمْ } کے بارے میں روایت ہے کہ انہوں نے فرمایا: ہر آدمی خوش ہوتا ہے اور غمگین ہوتا ہے لیکن جس نے مصیبت کو صبر کرلیا اور خیر کو شکر کرلیا۔ [مصنف ابن ابي شيبه/كتاب الزهد/حدیث: 37516]

حضرت ابن عباس رضی اللہ عنہما سے { مَا لَکُمْ لاَ تَرْجُونَ لِلَّہِ وَقَارًا } کے بارے میں روایت ہے۔ فرمایا: تمہیں کیا ہوگیا ہے کہ تم اس کی عظمت کو کماحقہ نہیں معلوم کرتے۔ [مصنف ابن ابي شيبه/كتاب الزهد/حدیث: 37517]

حضرت جابر بن عبداللہ انصاری سے روایت ہے وہ کہتے ہیں کہ ایک شخص نے کوئی کھوپڑی دیکھی تو اس کے دل میں کوئی بات آئی۔ راوی کہتے ہیں لیکن وہ اسی جگہ توبہ کرتے ہوئے سجدہ میں گرگیا۔ راوی کہتے ہیں اس کو کہا گیا اپنا سر اٹھا لو۔ کیونکہ تم تم ہو اور میں میں ہوں۔ [مصنف ابن ابي شيبه/كتاب الزهد/حدیث: 37518]

حضرت ضحاک بن قیس بیان فرماتے ہیں: اے لوگو! تم اپنے اعمال اللہ کے لیے کرو۔ کیونکہ اللہ تعالیٰ صرف خالص عمل کو قبول کرتا ہے وہ تم میں سے کوئی کسی کے ظلم کو معاف نہ کرے کہ وہ کہے: یہ خدا کے لیے اور تمہارے لیے ہیں۔ پس یہ عمل اللہ کے لیے نہیں ہے۔ وہ عمل صرف تمہارے لیے ہی ہے اور تم میں سے کوئی کسی کے ساتھ صلہ رحمی یوں نہ کرے کہ کہے یہ خدا کے لیے بھی ہے اور رشتہ داروں کے لیے بھی ہے۔ یہ عمل صرف رشتہ داروں کے لیے ہے جو شخص کوئی عمل کرے تو اس کو چاہیے کہ وہ خالص اللہ کے لیے عمل کرے اور اس کے اندر کسی کو شریک نہ کرے۔ کیونکہ قیامت کے دن اللہ تعالیٰ فرمائیں گے جس شخص نے اپنے کسی عمل میں میرے ساتھ کسی کو شریک بنایا ہے تو پس وہ عمل اس شریک کے لیے ہوگا میرے لیے اس میں سے کچھ نہیں ہے۔ [مصنف ابن ابي شيبه/كتاب الزهد/حدیث: 37519]

حضرت ضحاک بن قیس فرماتے ہیں: اے لوگو! اپنے بچوں اور اپنے گھر والوں کو قرآن سکھاؤ۔ کیونکہ جس مسلمان کے لیے خدا تعالیٰ نے جنت میں داخلہ لکھ دیا ہوگا اس کے پاس دو فرشتے آئیں گے اور اس کو گھیر لیں گے پھر وہ فرشتے اس آدمی سے کہیں گے۔ پڑھتے جاؤ اور بہشت کے زینے چڑھتے جاؤ۔ یہاں تک کہ وہ اس جگہ اتریں گے جہاں پر اس کے قرآن کا عمل ختم ہوگا۔ [مصنف ابن ابي شيبه/كتاب الزهد/حدیث: 37520]

حضرت ضحاک بن قیس فرماتے ہیں: اللہ تعالیٰ کو تم نرمی میں یاد کرو تو وہ سختی میں تمہیں یاد کرے گا۔ چناچہ حضرت یونس علیہ السلام خدا کو یاد کرنے والے عبد صالح تھے۔ پس جب وہ مچھلی کے پیٹ میں چلے گئے تو اللہ تعالیٰ نے ارشاد فرمایا: { فَلَوْلا أَنَّہُ کَانَ مِنَ الْمُسَبِّحِینَ لَلَبِثَ فِی بَطْنِہِ إِلَی یَوْمِ یُبْعَثُونَ } اور فرعون ایک سرکش اور یاد خدا کو بھولنے والا بندہ تھا۔ پس جب وہ غرق ہونے لگا تو اس نے کہا کہ میں اس بات پر ایمان لاتا ہوں کہ اس کے سوا کوئی معبود نہیں جس پر بنی اسرائیل ایمان لائے ہیں اور میں مسلمانوں میں سے ہوں۔ اب (ایمان لاتا ہے)؟ حالانکہ پہلے تو نے نافرمانی کی تھی اور تو فساد کرنے والوں میں سے تھا۔ [مصنف ابن ابي شيبه/كتاب الزهد/حدیث: 37521]

حضرت خالد بن عمیر عدوی فرماتے ہیں کہ حضرت عتبہ بن غزوان رضی اللہ عنہ نے ہمیں خطبہ دیا (ابو نعامہ نے کہا: منبر پر، اور قرہ نے یہ نہیں کہا) انہوں نے فرمایا: خبردار! دنیا نے اپنے ختم ہونے کا اعلان کردیا ہے اور تیزی سے پیٹھ پھیر کر چلی گئی ہے اور اس میں سے صرف اتنا باقی رہ گیا ہے جتنا برتن کی تہ میں بچا ہوا آخری قطرہ ہوتا ہے۔ تم ایک ایسے گھر میں ہو جس سے تمہیں منتقل ہونا ہے۔ پس اپنے پاس موجود لوگوں میں سے بہترین کے ساتھ منتقل ہو۔ میں نے اپنے آپ کو دیکھا کہ میں رسول اللہ صلی اللہ علیہ وسلم کے ساتھ سات میں سے ساتواں تھا اور ہمارے پاس کھانے کو درختوں کے پتوں کے سوا کچھ نہ تھا، یہاں تک کہ ہماری باچھیں زخمی ہوگئیں۔ (قرہ نے کہا:) مجھے ایک چادر ملی (اور ابو نعامہ نے کہا: میں نے ایک چادر اٹھائی) تو میں نے اس کے دو ٹکڑے کیے۔ ایک ٹکڑا میں نے خود پہن لیا اور دوسرا ٹکڑا حضرت سعد رضی اللہ عنہ کو دے دیا۔ آج ان سات میں سے جو بھی زندہ ہے وہ کسی نہ کسی شہر پر (مقرر) ہے۔ اور تم میرے بعد امراء کو ضرور آزماؤ گے۔ خدا کی قسم! کوئی نبوت ایسی نہیں ہوئی مگر یہ کہ وہ بدلتے بدلتے بادشاہت اور جبر بن گئی۔ اور مجھ سے ذکر کیا گیا (قرہ نے کہا: کہ پتھر، اور ابو نعامہ نے کہا: کہ چٹان) جہنم کے کنارے سے پھینکا جاتا ہے تو وہ اس کی تہ کی طرف گرتا چلا جاتا ہے (قرہ نے کہا: میرا خیال ہے انہوں نے ستر کہا، اور ابو نعامہ نے کہا: ستر سال) اور وہ ضرور بھر دی جائے گی۔ اور جنت کے دروازوں کے دو پٹوں کے درمیان چالیس سال کی مسافت ہے اور جنت کے دروازوں پر ایک دن ضرور ایسا آئے گا کہ اس کا ہر دروازہ بھیڑ سے بھرا ہوگا۔ اور میں اللہ کی پناہ مانگتا ہوں اس بات سے کہ میں اپنے دل میں بڑا اور اللہ کے نزدیک چھوٹا ہوں۔ [مصنف ابن ابي شيبه/كتاب الزهد/حدیث: 37522]

حضرت ماجشون بن ابی سلمہ سے روایت ہے وہ کہتے ہیں کہ حضرت سعد بن معاذ رضی اللہ عنہ نے فرمایا: میں تین چیزوں کے علاوہ میں ابھی تک کمزور ہوں۔ میں نے جناب نبی کریم صلی اللہ علیہ وآلہ وسلم سے کبھی کوئی بات نہیں سنی مگر یہ کہ مجھے اس کے برحق ہونے کا علم ہوتا ہے اور میں نے کبھی کوئی نماز نہیں پڑھی کہ اس دوران مجھے کسی چیز نے اس سے غافل کیا ہو یہاں تک کہ میں نماز سے فارغ ہوجاؤں اور میں نے کسی جنازہ کی پیروی نہیں کی کہ میرے دل میں اس بات کے علاوہ کوئی بات ہو جو وہ (جنازہ) کہہ رہا ہے یا اس سے کہی جا رہی ہے یہاں تک کہ ہم اس سے فارغ ہوجائیں۔ [مصنف ابن ابي شيبه/كتاب الزهد/حدیث: 37523]