الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
متفرق احادیث
विभिन्न हदीसें
2678. نیک غلام کی فضیلت
“ अच्छे और नेक ग़ुलाम की फ़ज़ीलत ”
حدیث نمبر: 4067 |
|
سیدنا عبداللہ بن عمر رضی اللہ عنہما سے روایت ہے، رسول اللہ صلی اللہ علیہ وسلم نے فرمایا: ”جب غلام اپنے آقا کے لیے مخلص بن جاتا ہے اور اچھے انداز میں اپنے رب کی عبادت کرتا ہے تو اسے دو اجر ملتے ہیں۔“
حدیث نمبر: 4068 |
|
سیدنا ابوہریرہ رضی اللہ عنہ سے مروی ہے، رسول اللہ صلی اللہ علیہ وسلم نے فرمایا: ”نیک غلام کے دو اجر ہیں۔“ (پھر سیدنا ابوہریرہ رضی اللہ عنہ نے کہا) اس ذات کی قسم جس کے ہاتھ میں ابو ہریرہ کی جان ہے! اگر اللہ کی راہ میں جہاد، حج اور ماں کے ساتھ نیکی کرنے (جیسے مسائل نہ ہوتے) تو میں پسند کرتا کہ میں غلام کی موت مرتا۔
حدیث نمبر: 4069 |
|
سیدنا عبداللہ بن عمر رضی اللہ عنہما سے روایت ہے، رسول اللہ صلی اللہ علیہ وسلم نے فرمایا: ”جب غلام اپنے آقا سے خیر خواہی کرے اور اﷲ تعالیٰ کی عبادت اچھے انداز میں انجام دے تو اس کے لیے دوہرا اجر ہے۔“
2679. فرزندان امت کی عمریں
“ मुसलमानों की कितनी आयु ”
حدیث نمبر: 4070 |
|
سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ”میری امت کی عمریں ساٹھ سے ستر کے درمیان ہیں، کم ہی لوگ ایسے ہیں جو اس حد سے تجاوز کرتے ہیں۔“
حدیث نمبر: 4071 |
|
سیدنا انس بن مالک رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ”میری امت کے کم ہی لوگ ستر (برس کی عمر) تک پہنچیں گے۔“
2680. افضل ہجرت اور ہجرت کی اقسام
“ हिजरत कितनी प्रकार की और सबसे अच्छी हिजरत ”
حدیث نمبر: 4072 |
|
سیدنا عبداللہ بن عمرو رضی اللہ عنہ سے مروی ہے کہ ایک آدمی نے کہا: اے اﷲ کے رسول! کون سی ہجرت افضل ہے؟ آپ صلی اللہ علیہ وسلم نے فرمایا: ”یہ کہ تم اﷲ تعالیٰ کی ناپسندیدہ چیزوں کو ترک کر دو اور ہجرت کی بھی دو قسمیں ہیں: شہری کی ہجرت اور دیہاتی کی ہجرت۔ رہا مسئلہ دیہاتی کا، تو جب اسے حکم دیا جاتا ہے تو وہ اطاعت کرتا ہے اور جب اسے بلایا جاتا ہے تو وہ قبول کرتا ہے۔ لیکن شہری کی مصیبت و آزمائش زیادہ ہے اور وہ اجر و ثواب میں بھی افضل ہے۔
2681. لفظ «زعموا» کا استعمال کیسا ہے؟ صرف وہی بات یاحدیث بیان کی جاے، جس کے سچا ہونے کا یقین ہو
“ ज़अमु ” « زعموا » बुरा तकिया-कलाम है ? केवल वही बात या हदीस सुनाई जाए जिसका सच्च होना निश्चित है ”
حدیث نمبر: 4073 |
|
ابومسعود رضی اللہ عنہ سے روایت ہے، وہ کہتے ہیں: مجھے کہا گیا کہ آپ نے رسول اللہ صلی اللہ علیہ وسلم کو «زعموا» کے متعلق کیا فرماتے سنا؟ وہ کہتے ہیں کہ رسول اللہ صلی اللہ علیہ وسلم نے فرمایا: ” «زعموا» آدمی کی بری سواری ہے، (یعنی برا تکیہ کلام ہے)۔“
2682. علم شریعت کو پھیلانا
“ शरीअत का ज्ञान फैलाना ”
حدیث نمبر: 4074 |
|
سیدنا عبداللہ بن عباس رضی اللہ عنہما سے مروی ہے کہ رسول اللہ صلی اللہ علیہ وسلم نے فرمایا: ”تم سن رہے ہو اور تم سے سنا جائے گا اور اس سے بھی سنا جائے گا جس نے تم سے سنا ہو گا۔“
2683. ہر جھگڑے کا کفارہ دو رکعتیں ہے
“ हर झगड़े का कफ़्फ़ारा दो रकअत नमाज़ है ”
حدیث نمبر: 4075 |
|
سیدنا ابوہریرہ رضی اللہ عنہ سے مروی ہے کہ نبی کریم صلی اللہ علیہ وسلم نے فرمایا: ”ہر جھگڑے کا کفارہ دو رکعتیں ہیں۔“
2684. صاحب اسلام کی اہمیت، اللہ تعالیٰ کا ہم نوا اسی کا ہی رہے گا، پردہ پوشی کی فضیلت
“ मुस्लिम की अहमियत , अल्लाह तआल साथ छोड़ने वाला नहीं और किसी की बुराइयों को छिपाने की फ़ज़ीलत ”
حدیث نمبر: 4076 |
|
سیدہ عائشہ رضی اللہ عنہا سے روایت ہے کہ نبی کریم صلی اللہ علیہ وسلم نے فرمایا: ”میں تین چیزوں پر قسم اٹھاتا ہوں: (۱) اللہ تعالیٰ صاحب اسلام کو اسلام سے عاری شخص کے برابر نہیں کرے گا اور اسلام کے تین حصے ہیں: روزہ، نماز اور صدقہ۔ (۲) (یہ نہیں ہو سکتا کہ) اللہ کسی بندے سے ہم نوائی کرے اور پھر روز قیامت اسے کسی دوسرے کا ہم نوا بنا دے اور (۳) جو شخص جس کسی سے محبت کرے گا، وہ روز قیامت اسی کے ساتھ آئے گا اور اگر چوتھی چیز پر بھی میں قسم اٹھا لوں تو مجھے گنہگار ہونے کا خدشہ نہیں ہو گا۔ (وہ یہ ہے کہ) اگر اﷲ تعالیٰ نے دنیا میں اپنے بندے ( کے گناہوں) کی پردہ پوشی کی تو وہ آخرت میں بھی ( اس کی خطاؤں پر) پردہ ڈالے گا۔“