حدیث حاشیہ:
یعنی کعبہ کے اندر داخل ہونا کوئی لازمی رکن نہیں۔
نہ حج کی کوئی عبادت ہے۔
اگر کوئی کعبہ کے اندر نہ جائے تو کچھ قباحت نہیں۔
آنحضور صلی اللہ علیہ وسلم خود حجتہ الوداع کے موقع پر اندر نہیں گئے۔
نہ عمرۃ القضاء میں آپ اندر گئے نہ عمرئہ جعرانہ کے موقع پر۔
غالباً اس لیے بھی نہیں کہ ان دنوں کعبہ میں بت رکھے ہوئے تھے۔
پھر فتح مکہ کے وقت آپ نے کعبہ شریف کی تطہیر کی اور بتوں کو نکالا۔
تب آپ اندر تشریف لے گئے۔
حجتہ الوداع کے موقع پر آپ صلی اللہ علیہ وسلم اندر نہیں گئے حالانکہ اس وقت کعبہ میں بت بھی نہ تھے۔
غالباً اس لیے بھی کہ لوگ اسے لازمی نہ سمجھ لیں۔

حدیث حاشیہ:
(1)
حدیث میں مذکور عمرے سے مراد عمرہ قضا ہے جو آپ نے فتح مکہ سے پہلے ساتویں ہجری میں کیا تھا۔
رسول اللہ صلی اللہ علیہ وسلم اس وقت بیت اللہ میں داخل نہیں ہوئے تھے کیونکہ اس وقت بیت اللہ بتوں سے بھرا ہوا تھا اور مشرکین ان کے ازالے کی بھی اجازت نہیں دیتے تھے۔
آئندہ سال 8 ہجری میں جب مکہ فتح ہوا تو رسول اللہ صلی اللہ علیہ وسلم نے پہلے بتوں اور تصاویر سے بیت اللہ کو پاک کیا، پھر اس میں داخل ہوئے جیسا کہ آئندہ حدیث ابن عباس میں اس کے متعلق تفصیل آئے گی۔
(2)
اس حدیث سے محب طبری نے ثابت کیا ہے کہ رسول اللہ صلی اللہ علیہ وسلم فتح مکہ اور حجۃ الوداع کے موقع پر بیت اللہ میں داخل ہوئے تھے لیکن فتح مکہ کے متعلق احادیث میں صراحت ہے، حجۃ الوداع کے موقع پر بیت اللہ میں داخل ہونے کا ذکر محل نظر ہے۔
(فتح الباري: 590/3)
حضرت جابر ؓ سے مروی ایک روایت میں ہے کہ کعبہ میں تصاویر تھیں۔
رسول اللہ صلی اللہ علیہ وسلم نے فتح مکہ کے موقع پر حضرت عمر ؓ کو حکم دیا کہ ان کو مٹا دیں۔
حضرت عمر ؓ نے کپڑا لیا اور اسے پانی سے تر کر کے تمام تصاویر مٹا دیں، اس کے بعد رسول اللہ صلی اللہ علیہ وسلم بیت اللہ میں داخل ہوئے۔
(مسندأحمد: 396/3)
نوٹ:
عمرہ قضا کی وجہ تسمیہ یہ نہیں کہ یہ پہلے عمرے کی قضا کے طور پر ہوا تھا کیونکہ صلح حدیبیہ میں نہیں ہو سکا تھا، بلکہ اسے اس بنا پر عمرہ قضا کہا جاتا ہے کہ صلح حدیبیہ کی شرائط اور فیصلے کے نتیجے میں ہوا تھا۔
صحابہ کرام ؓ رسول اللہ صلی اللہ علیہ وسلم کی حفاظت کرتے تھے، مبادا مشرکین یا ان کے چھوکرے آپ کو گزند پہنچائیں۔
(صحیح البخاري، حدیث: 4255،1791)

1902. اردو حاشیہ: یہ سن سات ہجری عمرہ قضا کا واقعہ ہے۔ اور آپ اس بار کعبہ کے اندر داخل نہیں ہوئے تھے۔

اردو حاشہ:
فوائد و مسائل:
(1)
ذوالقعدہ 6ھ میں طے پانے والے صلح کے معاہدے (صلح حدیبیہ)
میں یہ طے پایا تھا کہ مسلمان اس سال عمرہ نہیں کرینگے تاہم اگلے سال وہ عمرہ کرنے کے لیے آ سکیں گے۔
اس شرط کے مطابق ذوالقعدہ 7ھ میں رسول اللہ صلی اللہ علیہ وسلم نے اپنے صحابہ رضی اللہ عنہم کے ساتھ عمرہ ادا فرمایا۔
اس سفر میں دو ہزار مرد اور ان کے علاوہ کچھ عورتیں اور بچے بھی آپ کے ہمراہ تھے۔
اس عمرے کو عمرۃالقضاء بھی کہتے ہیں۔ (فتح الباري: 7/ 627)

(2)
  اس موقع پر مشرکین اپنے گھروں سے نکل کر جبل قعیقعان پر جمع ہوگئے تھے تاہم خطرہ تھا کہ کوئی مشرک دھوکے سے رسول اللہ صلی اللہ علیہ وسلم کو گزند پہنچانے کی کوشش نہ کرے۔

(3)
ظاہری اسباب اختیار کرنا اللہ پر توکل کے منافی نہیں۔

(4)
صحابہ کرام رضی اللہ عنہم رسول اکرم صلی اللہ علیہ وسلم سے اس قدر محبت رکھتے تھےکہ آپ کی حفاظت کے لیے اپنی جانیں قربان کرنے پر تیار رہتے تھے۔

حدیث حاشیہ:
صلح حدیبیہ کے بعد یہ عمرہ دوسرے سال کیا گیا تھا کفار مکہ کے قلوب اسلام اور پیغمبر اسلام کی طرف سے صاف نہیں تھے مسلمانوں کو خطرات برابر لاحق تھے۔
خاص طور پر حضور صلی اللہ علیہ وسلم کی حفاظت مسلمانوں کے لیے ضروری تھی۔
روایت میں اسی طرف اشارہ ہے۔
یہ حدیث غزوئہ حدیبیہ میں بھی گزر چکی ہے۔

حدیث حاشیہ:
1۔
امام بخاری ؒ نے اس حدیث سے ثابت کیا ہے کہ حضرت عبد اللہ بن ابی اوفی ؒ حدیبیہ میں رسول اللہ صلی اللہ علیہ وسلم کے ہمراہ تھے اور انھوں نے درخت کے نیچے آپ کی بیعت کی تھی، پھر اگلے سال عمرہ قضاء کے موقع پر وہ رسول اللہ صلی اللہ علیہ وسلم کی حفاظت کرنے والوں میں سے تھے کہ کہیں ایسا نہ ہو کوئی دشمن رسول اللہ صلی اللہ علیہ وسلم اور کفار قریش کے درمیان ہوا تھا۔
اسے گزشتہ سال کی قضاء کے طور پر عمرہ قضاء نہیں کہا جاتا جیسا کہ عام طور پر خیال کیا جاتا ہے۔
واللہ اعلم۔

حدیث حاشیہ:
1۔
فتوحات ملنے کی وجہ سے اگرچہ کفر اور اہل کفر کی کمر ٹوٹ چکی تھی تاہم کفار مکہ کے دل اسلام اور پیغمبر صلی اللہ علیہ وسلم کے متعلق صاف نہیں تھے۔
مسلمانوں کو ان سے خطرات لاحق رہتے تھے ایسے حالات میں رسول اللہ صلی اللہ علیہ وسلم کی حفاظت انتہائی ضروری تھی۔
آپ نے جب صلح حدیبیہ کے دوسرے سال عمرہ کیا تو مسلمانوں نے اس دوران میں رسول اللہ صلی اللہ علیہ وسلم کی مکمل خفاظت کی۔
2۔
اس حدیث میں آپ کے متعلق سیکورٹی کی طرف اشارہ کیا گیا ہے ایک روایت میں ہے کہ ہمیں مشرکین کی طرف سے خطرہ تھا کہ کوئی آپ کو پتھر ماردے یا کوئی اور تکلیف پہنچائے اس لیے ہم نے آپ کو حصار میں رکھا اور لوگوں سے چھپایا۔
(صحیح البخاری العمرة، حدیث: 1791۔
)