حدیث حاشیہ:
اس کا مطلب یہ ہے کہ قربانیاں لے جانے کے لیے کچھ آزاد لوگوں کی تخصیص نہ تھی بلکہ غلام بھی لے جاتے تھے۔

حدیث حاشیہ:
(1)
منحر وہ جگہ ہے جہاں رسول اللہ صلی اللہ علیہ وسلم نے قربانی ذبح کی تھی۔
وہ مقام جمرہ عقبہ کے پاس مسجد خیف کے قریب تھا، تاہم منیٰ میں ہر جگہ قربانی کی جا سکتی ہے جیسا کہ رسول اللہ صلی اللہ علیہ وسلم کا ارشاد گرامی ہے:
”میں نے اس جگہ قربانی کی ہے لیکن منیٰ سارا ہی قربان گاہ ہے۔
تمہیں اپنے خیموں میں بھی قربانی کرنے کی اجازت ہے۔
“ (صحیح مسلم، الحج، حدیث: 2952(1218)
مگر حضرت عبداللہ بن عمر ؓ جذبۂ اتباع سنت سے سرشار تھے، وہ ڈھونڈ کر انہی مقامات پر نماز پڑھتے جہاں رسول اللہ صلی اللہ علیہ وسلم نے پڑھی تھی اور اسی مقام پر قربانی کرتے جہاں رسول اللہ صلی اللہ علیہ وسلم نے کی تھی۔
(2)
حضرت ابن عمر ؓ سے روایت ہے کہ رسول اللہ صلی اللہ علیہ وسلم عیدگاہ میں قربانی ذبح کرتے تھے۔
اس حدیث کا مطلب یہ ہے کہ جب آپ مدینہ طیبہ میں قربانی ذبح کرتے تو عیدگاہ کا انتخاب کرتے۔
(فتح الباري: 697/3)

حدیث حاشیہ:
مزید وضاحت اگلی حدیث میں ہے۔