حضرت نافع سے روایت ہے کہ حضرت عبداللہ بن عمر رضی اللہ عنہما کا ایک غلام بھاگ کر اہل روم سے جا ملا۔ جب ان پر حضرت خالد بن ولید رضی اللہ عنہ نے غلبہ حاصل کر لیا تو انہوں نے وہ غلام حضرت عبداللہ بن عمر رضی اللہ عنہما کو واپس کر دیا۔ اسی طرح حضرت عبداللہ بن عمر رضی اللہ عنہما کا ایک گھوڑا بھاگ کر روم پہنچ گیا۔ جب روم پر مسلمانوں کا غلبہ ہو گیا تو انہوں نے وہ گھوڑا بھی حضرت عبداللہ بن عمر رضی اللہ عنہما کو واپس کر دیا۔ ابو عبداللہ (امام بخاری رحمہ اللہ) فرماتے ہیں کہ روایت میں لفظ «عَارَ» «عَيْرٍ» سے مشتق ہے جس کے معنی جنگلی گدھے کے ہیں لیکن اس جگہ معنی بھاگ جانے کے ہیں۔ [صحيح البخاري/كتاب الجهاد والسير/حدیث: 3068]