حضرت مصعب بن سعد بن ابی وقاص رحمہ اللہ سے روایت ہے کہ انہوں نے کہا: ”میں نے اپنے والد (حضرت سعد بن ابی وقاص رضی اللہ عنہ) کے پہلو میں نماز پڑھی، جب میں نے رکوع کیا تو اپنی انگلیوں کو ایک دوسرے میں ڈال کر اپنے ہاتھوں کو اپنے گھٹنوں کے درمیان رکھ لیا تو انہوں نے میرے ہاتھوں پر مارا، جب وہ نماز سے فارغ ہوئے تو انہوں نے کہا: ”ہم بھی ایسا ہی کیا کرتے تھے، پھر ہمیں گھٹنوں کی طرف اٹھانے (گھٹنوں پہ رکھنے) کا حکم دیا گیا۔““ [صحيح مسلم/كتاب المساجد ومواضع الصلاة/حدیث: 1197]