زکریا بن اسحاق نے اپنی سند سے یہ حدیث بیان کی اور راوی کا نام «مُسْلِمُ بْنُ شُعْبَةَ» ”مسلم بن شعبہ“ ذکر کیا (نہ کہ «مُسْلِمُ بْنُ ثَفْنَةَ» ”مسلم بن ثفنہ“)، اس میں ذکر کیا «شَافِعٌ» ”شافع“ وہ ہوتی ہے جس کے پیٹ میں بچہ ہو۔ امام ابوداؤد رحمہ اللہ کہتے ہیں: ”میں نے حمص میں آل عمرو بن حارث حمصی کے ہاں عبداللہ بن سالم کی کتاب میں پڑھا، جسے انہوں نے زبیدی سے روایت کیا تھا، کہا «عَبْدُ اللهِ بْنُ مُعَاوِيَةَ الْغَاضِرِيُّ» ”عبداللہ بن معاویہ غاضری“ جو غاضرہ قیس سے ہیں، کہتے ہیں کہ نبی کریم صلی اللہ علیہ وسلم نے فرمایا: ”جس نے تین کام کیے اس نے ایمان کا ذائقہ چکھ لیا۔ جس نے ایک اللہ کی عبادت کی اور اقرار کیا کہ اللہ کے سوا اور کوئی معبود نہیں، اور خوشی خوشی ہر سال اپنے مال کی زکوٰۃ دی، کوئی بوڑھا، خارش زدہ، بیمار یا ردی قسم کا جانور نہ دیا بلکہ متوسط مال سے دیا۔ بلاشبہ اللہ تعالیٰ نے تم سے عمدہ مال کا مطالبہ نہیں کیا ہے اور نہ تمہیں برا مال دینے کا حکم دیا ہے۔““ [سنن ابي داود/كتاب الزكاة /حدیث: 1582]