جناب حمزہ بن محمد بن حمزہ اسلمی بیان کرتے ہیں کہ ان کے والد نے ان کے دادا سے بیان کیا (کہ سیدنا حمزہ بن عمرو اسلمی رضی اللہ عنہ نے) عرض کیا: ”اے اللہ کے رسول! میں نے سواری کے جانور رکھے ہوئے ہیں، میرا کام انہی سے متعلق ہے، میں سفر میں رہتا ہوں، جانور کرائے پر چلاتا ہوں اور بسا اوقات یہ رمضان کا مہینہ بھی آ جاتا ہے اور میں اپنے اندر طاقت پاتا ہوں اور جوان ہوں، اے اللہ کے رسول! میں روزے مؤخر کرنے کی بجائے رکھ لینا زیادہ آسان سمجھتا ہوں، ورنہ میرے ذمے رہ جائیں گے، تو اے اللہ کے رسول! کیا مجھے روزہ رکھنے میں زیادہ اجر ملے گا یا افطار کرنے میں؟“ تو آپ صلی اللہ علیہ وسلم نے فرمایا: ”اے حمزہ! جو چاہو کر سکتے ہو۔“ [سنن ابي داود/كتاب الصيام /حدیث: 2403]