صالح بن محمد زائدہ کہتے ہیں کہ میں مسلمہ بن عبدالملک کی معیت میں رومی علاقے میں گیا تو ایک آدمی لایا گیا جس نے غنیمت میں خیانت کی تھی۔ انہوں نے سالم بن عبداللہ بن عمر رحمہ اللہ سے اس کے متعلق پوچھا، تو انہوں نے کہا: ”میں نے اپنے والد سے سنا، وہ سیدنا عمر بن خطاب رضی اللہ عنہ سے اور وہ نبی کریم صلی اللہ علیہ وسلم سے بیان کرتے تھے، آپ صلی اللہ علیہ وسلم نے فرمایا: ”جب تم کسی کو پاؤ کہ اس نے غنیمت میں خیانت کی ہو تو اس کا مال و اسباب جلا ڈالو اور اسے مارو۔““ کہتے ہیں کہ پھر ہم نے اس کے سامان میں قرآن مجید کا ایک نسخہ پایا۔ مسلمہ نے اس کے بارے میں جناب سالم رحمہ اللہ سے دریافت کیا تو انہوں نے کہا: ”اسے فروخت کرو اور اس کی قیمت صدقہ کر دو۔“ [سنن ابي داود/كتاب الجهاد /حدیث: 2713]