محمد بن اسحاق نے روایت کیا، انہوں نے کہا کہ میں نے صلت بن عبداللہ بن نوفل بن عبدالمطلب کو دیکھا کہ انہوں نے اپنے دائیں ہاتھ کی چھنگلیا میں انگوٹھی پہنی ہوئی تھی۔ میں نے کہا: ”یہ کیا؟“ انہوں نے کہا: ”میں نے سیدنا ابن عباس رضی اللہ عنہ کو دیکھا کہ وہ اپنی انگوٹھی اسی طرح پہنا کرتے تھے اور اس کا نگینہ باہر کی طرف رکھتے تھے۔“ اور سیدنا ابن عباس رضی اللہ عنہ کے متعلق خیال کیا جاتا ہے کہ وہ کہتے تھے کہ ”رسول اللہ صلی اللہ علیہ وسلم اپنی انگوٹھی ایسے ہی پہنا کرتے تھے۔“ [سنن ابي داود/كتاب الخاتم /حدیث: 4229]