فوائد:
➊ انسان کو داغ کر خاص نشان لگانا حرام ہے اور حیوانات کو داغنا جائز ہے۔
➋ لیکن ان کے چہرے پر نشان لگانا ممنوع ہے۔
➌ البتہ زکوٰۃ کے اونٹوں اور بکریوں کے چہروں کے سوا دیگر اعضاء کو داغنا مستحب اور دیگر حیوانات میں جائز ہے۔
➍ بکریوں کو داغتے وقت ان کے کانوں پر نشان لگانا اور اونٹوں اور گایوں کو داغتے وقت ان کی رانوں پر نشانات لگانا مستحب عمل ہے، کیونکہ یہ جسم کے سخت حصے ہیں۔
➎ یہاں داغنے کی تکلیف کم ہوتی ہے اور بالوں کی کمی کی وجہ سے داغنے کے نشانات نمایاں ہوتے ہیں۔
➏ اور داغنے کا فائدہ یہ ہے کہ اس سے جانوروں میں تمیز واقع ہوتی ہے اور ان کی پہچان آسان ہو جاتی ہے۔ [شرح النووی: 231/7]