سیدنا ابوموسیٰ اشعری رضی اللہ عنہ بیان کرتے ہیں: نبی کریم صلی اللہ علیہ وسلم نے ارشاد فرمایا: ”یتیم لڑکی سے اس کی ذات کے بارے میں مرضی معلوم کی جائے گی، اگر وہ خاموش رہے، تو اس نے اجازت دے دی، لیکن اگر وہ انکار کرے، تو اسے مجبور نہیں کیا جائے گا۔“ ابوقطن نامی راوی بیان کرتے ہیں: میں نے یونس سے دریافت کیا: ”کیا آپ نے یہ روایت ان سے سنی ہے؟ (راوی کو شک ہے، شاید یہ الفاظ ہیں) ابوبردہ سے سنی ہے؟“ انہوں نے جواب دیا: ”جی ہاں۔“ [سنن الدارقطني/ كتاب النكاح/حدیث: 3586]