سعید بن ابوحسن بیان کرتے ہیں: میں سیدنا عبداللہ بن عباس رضی اللہ عنہما کے پاس بیٹھا ہوا تھا ایک شخص ان کے پاس آیا اور بولا: میں ایک ایسا شخص ہوں، جس کی روزی کا مدار تصویریں بنانے پر ہے تو سیدنا عبداللہ بن عباس رضی اللہ عنہما نے بتایا میں نے سیدنا محمد صلی اللہ علیہ وسلم کو یہ بات ارشاد فرماتے ہوئے سنا ہے: ”جو شخص تصویر بناتا ہے تو اللہ تعالیٰ اسے یہ عذاب دے گا کہ وہ اس میں روح پھونکے اور وہ اس میں روح نہیں پھونک سکے گا۔“ یہ سن کر اس شخص کا رنگ زرد ہو گیا تو سیدنا عبداللہ بن عباس رضی اللہ عنہما نے فرمایا اگر تم نے ضرور تصویریں بنانی ہیں تو تم درختوں کی بنا لو یا کسی ایسی چیز کی بنا لو جس میں روح نہیں ہوتی۔ [صحیح ابن حبان/كتاب الحظر والإباحة/حدیث: 5848]