نافع، سیدنا عبداللہ بن عمر رضی اللہ عنہما سے روایت کرتے ہیں کہ: جس دن رسول اللہ صلی اللہ علیہ وسلم کے بیٹے سیدنا ابراہیم رضی اللہ عنہ کا انتقال ہوا، اس دن سورج کو گرہن لگ گیا، تو لوگوں نے گمان کیا کہ سورج کو گرہن ان کی وفات کی وجہ سے لگا ہے، تو نبی کریم صلی اللہ علیہ وسلم کھڑے ہوئے اور فرمایا: ”اے لوگو! یقیناً سورج اور چاند اللہ کی نشانیوں میں سے دو نشانیاں ہیں، یہ دونوں کسی کی موت یا زندگی کی وجہ سے گرہن نہیں ہوتے، پس جب تم ایسا دیکھو تو نماز کی طرف کھڑے ہو جاؤ، اللہ کا ذکر کرو، دعا مانگو اور صدقہ کرو۔“
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔ [المستدرك على الصحيحين/كتاب الكسوف/حدیث: 1246]