سیدہ عائشہ رضی اللہ عنہا سے روایت ہے کہ ایک شخص نے نبی کریم صلی اللہ علیہ وسلم کے زمانے میں ایک غلام خریدا جس میں کوئی ایسا عیب تھا جس کا اسے علم نہ تھا، اس نے اس غلام سے کام لیا (یا آمدنی حاصل کی)، پھر جب اسے عیب کا علم ہوا تو اسے واپس کر دیا، تب وہ فریقین اپنا مقدمہ نبی کریم صلی اللہ علیہ وسلم کے پاس لے گئے، بیچنے والے نے کہا: اے اللہ کے رسول! اس نے ایک عرصے تک اس سے فائدہ اٹھایا ہے، تو رسول اللہ صلی اللہ علیہ وسلم نے فرمایا: ”آمدنی ضمانت (نقصان کی ذمہ داری) کے بدلے میں ہے۔“
اس حدیث کی سند صحیح ہے، لیکن شیخین نے اسے روایت نہیں کیا، اسے ابن ابی ذئب نے مخلد بن خفاف کے واسطے سے سیدہ عائشہ سے مختصراً بھی روایت کیا ہے۔ [المستدرك على الصحيحين/كتاب : البيوع/حدیث: 2207]