خبیب بن عبدالرحمن اپنے والد اور وہ اپنے دادا (خبیب بن یساف رضی اللہ عنہ) سے روایت کرتے ہیں کہ رسول اللہ صلی اللہ علیہ وسلم کسی غزوے کے لیے نکلے، میں اور ایک دوسرا شخص اسلام لانے سے پہلے آپ صلی اللہ علیہ وسلم کے پاس حاضر ہوئے اور عرض کیا: ہمیں شرم آتی ہے کہ ہماری قوم تو کسی معرکے میں شریک ہو اور ہم پیچھے رہ جائیں، آپ صلی اللہ علیہ وسلم نے فرمایا: ”اسلام لے آؤ“، ہم نے (اس وقت) انکار کیا، تو آپ صلی اللہ علیہ وسلم نے فرمایا: ”ہم مشرکوں کے خلاف مشرکوں سے مدد نہیں لیتے“، پھر ہم نے اسلام قبول کر لیا اور رسول اللہ صلی اللہ علیہ وسلم کے ساتھ غزوے میں شریک ہوئے، وہاں میں نے ایک شخص کو قتل کیا اور اس نے مجھے ایک زخم لگایا، بعد میں (اتفاق سے) میں نے اسی کی بیٹی سے نکاح کر لیا، وہ اکثر کہا کرتی تھی: میں نے ایسا شخص نہیں دیکھا جس نے تمہیں یہ زخم (بطور اعزاز) پہنایا ہو، تو میں کہتا: میں نے ایسا شخص نہیں دیکھا جس نے تمہارے باپ کو تیزی سے جہنم پہنچایا ہو۔
یہ حدیث صحیح ہے لیکن شیخین نے اسے روایت نہیں کیا، اور خبیب بن عبدالرحمن کے دادا ایک معروف صحابی ہیں۔ [المستدرك على الصحيحين/كتاب : الجهاد/حدیث: 2595]