سیدنا صالح بن محمد بن زائدہ رضی اللہ عنہ فرماتے ہیں: جب مسلمہ سرزمین روم میں پہنچے تو ان کے پاس ایک ایسے شخص کو پیش کیا گیا جس نے خیانت کی تھی انہوں نے سیدنا سالم رضی اللہ عنہ سے اس کے متعلق پوچھا تو انہوں نے کہا: میں نے اپنے والد کو سنا ہے کہ وہ سیدنا عمر بن خطاب رضی اللہ عنہ کے حوالے سے نبی اکرم صلی اللہ علیہ وسلم کا یہ فرمان بیان کرتے ہیں: جب تم کسی شخص کو خائن پاؤ تو اس کا سامان جلا دو اور اس کو مارو۔ انہوں نے کہا: اس کے سامان میں ہمیں ایک قرآن پاک بھی ملا ہے، سیدنا سالم رضی اللہ عنہ سے اس کے بارے میں پوچھا گیا: تو انہوں نے فرمایا: اس کو بیچ دو اور اس کے ثمن صدقہ کر دو۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب : الجهاد/حدیث: 2616]