سیدنا ابوسعید خدری رضی اللہ عنہ روایت کرتے ہیں کہ رسول اللہ صلی اللہ علیہ وسلم نے ارشاد فرمایا: یاجوج اور ماجوج کو کھول دیا جائے گا۔ جیسا کہ اللہ تعالیٰ نے قرآن پاک میں ارشاد فرمایا ہے: (مِنْ کُلِّ حَدَبٍ یَنْسِلُوْنَ) (الانبیاء: 96) ابن اسحاق کہتے ہیں: عبداللہ کی قراءت میں (مِنْ کُلِّ جَدَثٍ یَنْسِلُوْنَ) جیم اور ثاء کے ساتھ ہے جیسا کہ (مِنَ الْاَجْدَاثِ اِلٰی رَبِّھِمْ یَنْسِلُوْنَ) (یٰس: 51) اور یہ (اجداث) قبروں کو کہتے ہیں۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كتاب التفسير/حدیث: 3003]