سیدنا عبدالرحمن بن یعمر دیلمی رضی اللہ عنہ فرماتے ہیں: رسول اللہ صلی اللہ علیہ وسلم نے ارشاد فرمایا:” حج عرفہ یا (شاید یہ فرمایا) عرفات (میں قیام) کا نام ہے، اس لیے جس نے عرفہ میں طلوع فجر سے پہلے (کوئی ساعت) پا لی اس نے حج کو پا لیا اور منٰی کے دن ” تین “ ہیں۔ جو شخص دو دنوں میں جلدی کرے اس پر کوئی حرج نہیں ہے اور جو تاخیر کرے اس پر بھی کوئی گناہ نہیں ہے۔ ٭٭ یہ حدیث صحیح ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا ہے۔ [المستدرك على الصحيحين/كتاب التفسير/حدیث: 3137]