ام المومنین سیدہ عائشہ صدیقہ رضی اللہ عنہا فرماتی ہیں: رسول اللہ صلی اللہ علیہ وسلم نے ارشاد فرمایا: تمہاری اولاد اللہ تعالیٰ کی جانب سے تمہارے لیے تحفہ ہے، وہ جس کو چاہتا ہے لڑکا دیتا ہے اور جس کو چاہتا ہے لڑکی دیتا ہے اور جب تم محتاج ہو گے تو یہی تمہاری دولت ہوں گے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے اس اسناد کے ہمراہ نقل نہیں کیا۔ تاہم امام بخاری اور امام مسلم دونوں نے ام المومنین سیدہ عائشہ صدیقہ رضی اللہ عنہم کی یہ حدیث نقل کی ہے ” انسان سب سے پاکیزہ مال جو کھاتا ہے وہ، وہ ہے جو اپنی کمائی سے کھاتا ہے اور اس کی اولاد بھی اس کی کمائی ہی ہوتی ہے۔ [المستدرك على الصحيحين/كتاب التفسير/حدیث: 3160]