سیدہ ام سلمہ رضی اللہ عنہا سے روایت ہے کہ انہوں نے عرض کی: یا رسول اللہ! میں نے اللہ تعالیٰ کو ہجرت کے تذکرے میں عورتوں کا (اس طرح) ذکر کرتے ہوئے نہیں سنا (جیسے مردوں کا ذکر ہے)! تو اللہ عزوجل نے یہ آیت نازل فرمائی: ﴿فَاسْتَجَابَ لَهُمْ رَبُّهُمْ أَنِّي لَا أُضِيعُ عَمَلَ عَامِلٍ مِنْكُمْ مِنْ ذَكَرٍ أَوْ أُنْثَى بَعْضُكُمْ مِنْ بَعْضٍ﴾ ”تو ان کے رب نے ان کی دعا قبول فرمائی کہ میں تم میں سے کسی عمل کرنے والے کے عمل کو ضائع نہیں کروں گا، خواہ وہ مرد ہو یا عورت، تم ایک دوسرے میں سے ہی ہو“ [سورة آل عمران: 195] ۔
یہ حدیث امام بخاری کی شرط پر صحیح ہے لیکن انہوں نے اسے روایت نہیں کیا۔
(امام حاکم فرماتے ہیں کہ میں نے ابواحمد حافظ کو یہ ذکر کرتے ہوئے سنا کہ بخاری کی کتاب میں دو حدیثیں ہیں جن میں یعقوب نامی راوی سفیان اور دراوردی سے روایت کرتا ہے، ابواحمد کے نزدیک وہ یعقوب بن حمید ہی ہیں، واللہ اعلم)۔ [المستدرك على الصحيحين/كتاب التفسير/حدیث: 3213]

میں نے ابواحمد حافظ کو یہ ذکر کرتے ہوئے سنا، انہوں نے مجھ سے صحیح بخاری کی دو ایسی احادیث کے بارے میں مذاکرہ کیا جن میں (راوی) یعقوب، سفیان سے اور یعقوب، دراوردی سے روایت کرتے ہیں۔ ابواحمد نے فرمایا: (ان سندوں میں) یہ یعقوب بن حمید (بن کاسب) ہیں، واللہ اعلم۔ [المستدرك على الصحيحين/كتاب التفسير/حدیث: 3213M]