ابوالعالیہ سے روایت ہے، انہوں نے کہا کہ میں سیدنا عبداللہ بن عباس رضی اللہ عنہما کے ساتھ بیت اللہ کا طواف کر رہا تھا، انہوں نے میرا ہاتھ پکڑا اور مجھے کلام کی باریکیاں سکھانے لگے، انہوں نے فرمایا: اے ابوالعالیہ! یوں نہ کہا کرو کہ ”تم نماز سے پھر گئے ( «انصَرَفتُم»)“ بلکہ یوں کہا کرو کہ ”تم نے نماز مکمل کر لی ( «قَضَيتُم»)“ کیونکہ (پھر جانے کے الفاظ اللہ نے منافقین کے لیے استعمال فرمائے ہیں جیسا کہ) اللہ تعالیٰ فرماتا ہے: ﴿انْصَرَفُوا صَرَفَ اللَّهُ قُلُوبَهُمْ﴾ [سورة التوبة: 127] ”وہ پھر گئے تو اللہ نے ان کے دلوں کو پھیر دیا“۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب التفسير/حدیث: 3334]