سیدنا قتادہ رضی اللہ عنہ فرماتے ہیں:” الحاقہ “ (وہ حق ہونے والی) (کا مطلب ہے) ہر عمل کرنے والے کے عمل کو حق کرنے والی۔ وَمَا اَدْرَاکَ مَا الْحَاقَّۃُ ” اور تم نے کیا جانا کیسی وہ حق ہونے والی۔“ قیامت کے دن کی عظمت بیان کرنے کے لئے یوں بیان کیا گیا ہے۔ سیدنا عبداللہ بن مسعود رضی اللہ عنہ اللہ تعالیٰ کے ارشاد: سَخَّرَھَا عَلَیْھِمْ سَبْعَ لَیَالٍ وَّ ثَمَانِیَۃَ اَیَّامٍ حُسُوْمًا (الحاقۃ: 7) ” وہ ان پر قوت سے لگا دیں سات راتیں اور آٹھ دن لگاتار۔“ (کے متعلق) فرماتے ہیں (حسوماً سے مراد) مسلسل ہے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كتاب التفسير/حدیث: 3888]