سیدنا عباس بن عبدالمطلب رضی اللہ عنہ اللہ تعالیٰ کے ارشاد: وَ یَحْمِلُ عَرْشَ رَبِّکَ فَوْقَھُمْ یَوْمَئِذٍ ثَمٰنِیَۃٌ (الحاقۃ: 17) ” اور اس دن تمہارے رب کا عرش اپنے اوپر آٹھ فرشتے اٹھائیں گے۔“ کے متعلق فرماتے ہیں: آٹھ فرشتے پہاڑی بکروں کی صورت میں ہوں گے جن کے کھروں اور رکاب تک 63 سال کی مسافت ہے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ اور اس حدیث کو شعیب بن خالد الرازی، ولید بن ابی ثور اور عمرو بن ثابت بن ابی المقدم نے سماک بن حرب رضی اللہ عنہ کے حوالے سے رسول اللہ صلی اللہ علیہ وسلم تک مسند کیا ہے۔ لیکن امام بخاری رحمۃ اللہ علیہ اور امام مسلم رحمۃ اللہ علیہ نے ان میں سے ایک حدیث بھی نقل نہیں کی جبکہ میں نے شعیب بن خالد کی حدیث ذکر کی ہے کیونکہ اس سے استدلال کرنا زیادہ مناسب ہے۔ [المستدرك على الصحيحين/كتاب التفسير/حدیث: 3890]