سیدنا عبداللہ بن عباس رضی اللہ عنہما: بَلْ یُرِیْدُ الْاِنْسَانُ لِیَفْجُرَ اَمَامَہٗ (القیامۃ: 5) ” بلکہ آدمی چاہتا ہے کہ اس کی نگاہ کے سامنے بدی کرے۔“ (کے متعلق فرماتے ہیں) انسان کہتا ہے: میں عنقریب توبہ کر لوں گا۔ یَسْئَلُ اَیَّانَ یَوْمُ الْقِیٰمَۃِ (القیامۃ: 6) ” پوچھتا ہے قیامت کا دن کب ہو گا؟“ یہ تو اس پر ظاہر ہو جائے گا، جب اس کی آنکھیں چندھیا جائیں گی۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كتاب التفسير/حدیث: 3921]