سیدنا ابوعبدالرحمن رضی اللہ عنہ سے منقول ہے کہ سیدنا علی رضی اللہ عنہ ایک مرتبہ طلوع فجر کے وقت نکلے اور بولے وتر کے لئے یہ کتنا اچھا وقت ہے۔ پھر آپ نے یہ آیت تلاوت کی: وَ الَّیْلِ اِذَا عَسْعَسَ وَ الصُّبْحِ اِذَا تَنَفَّسَ (التکویر: 17، 18) ” اور رات کی قسم جب پیٹھ دے، اور صبح کی جب دم لے “ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔ [المستدرك على الصحيحين/كتاب التفسير/حدیث: 3949]