سیدہ ام ہانی بنت ابی طالب رضی اللہ عنہا فرماتی ہیں: رسول اللہ صلی اللہ علیہ وسلم نے ارشاد فرمایا: اللہ تعالیٰ نے سات چیزوں کی وجہ سے قریش کو فضیلت بخشی ہے: (1) میں قریش میں ہوں۔ (2) نبوت ان میں ہے۔ (3) کعبۃ اللہ کی) دربانی ان کے پاس ہے۔ (4) (آب زم زم کی) نگرانی ان کے پاس ہے۔ (5) اللہ تعالیٰ نے ہاتھیوں پر ان کو غلبہ دیا۔ (6) انہوں نے وہ دس سال اللہ تعالیٰ کی عبادت کی ہے جب ان کے سوا کوئی بھی اللہ تعالیٰ کی عبادت نہ کرتا تھا۔ (7) اللہ تعالیٰ نے ان کے متعلق قران کریم کی ایک مکمل سورۃ نازل فرمائی ہے۔ پھر حضور صلی اللہ علیہ وسلم نے اس سورت کی تلاوت فرمائی: بسم اللہ الرحمن الرحیم، لِاِیْلٰفِ قُرَیْشٍ اٖلٰفِھِمْ رِحْلَۃَ الشِّتَآئِ وَ الصَّیْفِ فَلْیَعْبُدُوْا رَبَّ ھٰذَا الْبَیْتِ الَّذِیْٓ اَطْعَمَھُمْ مِّنْ جُوْعٍ وَّ ٰامَنَھُمْ مِّنْ خَوْفٍ ” اس لیے کہ قریش کو میل دلایا، ان کے جاڑے اور گرمی دونوں کے کوچ میں میل دلایا تو انہیں چاہیے کہ اس گھر کے رب کی بندگی کریں، جس نے انہیں بھوک میں کھانا دیا، اور انہیں ایک بڑے خوف سے امان بخشا۔“ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ [المستدرك على الصحيحين/كتاب التفسير/حدیث: 4019]