سیدنا سوید بن غفلہ بیان کرتے ہیں: سیدنا علی ابن ابی طالب رضی اللہ عنہ نے اپنے چچا حارث بن ہشام سے ابوجہل کی بیٹی کا رشتہ مانگا، اور اس سلسلہ میں نبی اکرم صلی اللہ علیہ وسلم سے مشورہ کیا۔ آپ صلی اللہ علیہ وسلم نے فرمایا: کیا تم مجھ سے اس کی خاندانی شرافت کے بارے میں پوچھ رہے ہو؟ سیدنا علی رضی اللہ عنہ نے کہا: میں ان کی خاندانی شرافت کو جانتا ہوں، آپ سے یہ پوچھنا چاہتا ہوں کہ آپ کی طرف سے اس کے ساتھ نکاح کرنے کی اجازت ہے؟ آپ صلی اللہ علیہ وسلم نے فرمایا: نہیں۔ فاطمہ میرے جسم کا حصہ ہے (تمہارے اس عمل سے) اس کو تکلیف ہو گی، سیدنا علی رضی اللہ عنہ نے عرض کی: ٹھیک ہے، میں ایسا کوئی اقدام نہیں کروں گا جو آپ کو تکلیف دے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن انہوں نے اس کو اس سند کے ہمراہ بیان نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4804]