کثیر بن عباس بن عبدالمطلب اپنے والد کا بیان نقل کرتے ہیں (وہ فرماتے ہیں) میں جنگ حنین میں رسول اللہ صلی اللہ علیہ وسلم کے ہمراہ تھا، اس جنگ میں ایسا وقت بھی آیا کہ حضور صلی اللہ علیہ وسلم کے ساتھ صرف میں اور سیدنا ابوسفیان بن حارث بن عبدالمطلب رضی اللہ عنہ تھے، ابوسفیان، رسول اللہ صلی اللہ علیہ وسلم کے خچر کی لگام پکڑے ہوئے تھے، رسول اللہ صلی اللہ علیہ وسلم اس پر سوار تھے اور ابوسفیان مشرکین کی جانب پیش قدمی کرنے میں ذرا بھی سستی نہیں کر رہے تھے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5192]