سیدنا عمر بن خطاب رضی اللہ عنہ فرماتے ہیں: نہ تو میں نے کبھی امارت کے حصول کی کوشش کی ہے اور نہ ہی مجھے اس کا شوق ہے۔ لیکن ایک مرتبہ نجران کے کچھ لوگ رسول اللہ صلی اللہ علیہ وسلم کی بارگاہ میں حاضر ہوئے اور اپنے عامل کی شکایت کی۔ تو رسول اللہ صلی اللہ علیہ وسلم نے ان کے ہاں ایک امانتدار عامل بھیجنے کا وعدہ فرما لیا۔ سیدنا عمر رضی اللہ عنہ فرماتے ہیں: اس موقع پر سب سے زیادہ مجھے یہ خواہش تھی کہ حضور صلی اللہ علیہ وسلم کی نگاہ انتخاب مجھ پر پڑے۔ لیکن آپ صلی اللہ علیہ وسلم نے سیدنا ابوعبیدہ بن جراح رضی اللہ عنہ کو بھیج دیا۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5237]