عمرو بن میمون اپنے والد سے روایت کرتے ہیں کہ بلال رضی اللہ عنہ کے ایک بھائی خود کو عرب ظاہر کرتے اور ان میں سے ہونے کا دعویٰ کرتے تھے، انہوں نے ایک عرب عورت کو نکاح کا پیغام دیا تو ان لوگوں نے کہا: ”اگر بلال آ جائیں تو ہم آپ کا نکاح کر دیں گے“، راوی کہتے ہیں: تو بلال تشریف لائے اور فرمایا: ”میں بلال بن رباح ہوں اور یہ میرا بھائی ہے، یہ اخلاق اور دین کے معاملے میں ایک برا آدمی ہے، اب اگر تم چاہو تو اس کا نکاح کر دو اور اگر چاہو تو رہنے دو“، ان لوگوں نے کہا: ”جس کے آپ بھائی ہوں ہم اس کا نکاح ضرور کریں گے“، چنانچہ انہوں نے نکاح کر دیا۔
یہ حدیث صحیح الاسناد ہے لیکن شیخین نے اسے روایت نہیں کیا، اور بلال کے اس بھائی سے روایت بھی منقول ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5320]