محمد بن عمر فرماتے ہیں:” کعب بن مالک بن ابی کعب بن قین بن کعب بن سواد بن غنم بن کعب بن سلمہ “۔ رسول اللہ صلی اللہ علیہ وسلم کے شاعر تھے، ان کی کنیت ” ابوعبداللہ “ تھی، سیدنا کعب بن مالک رضی اللہ عنہ جنگ احد میں شریک ہوئے تھے اور اس جنگ میں ان کو دس سے زیادہ زخم لگے تھے، لیکن یہ اس میدان سے زندہ واپس آ گئے تھے، آپ غزوہ بدر میں شریک نہیں ہوئے تھے، غزوہ تبوک کے علاوہ باقی تمام غزوات میں رسول اللہ صلی اللہ علیہ وسلم کے ہمراہ شریک ہوئے، غزوہ تبوک میں آپ شریک نہیں ہوئے تھے اور آپ ان تین صحابہ کرام میں شامل ہیں جو غزوہ تبوک میں شامل نہیں ہوئے تھے، پھر ان کی توبہ قبول کر لی گئی تھی، سیدنا کعب بن مالک رضی اللہ عنہ 77 برس کی عمر میں سیدنا امیر معاویہ بن ابوسفیان رضی اللہ عنہما کے دور حکومت میں سن 50 ہجری کو فوت ہوئے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5974]