محمد بن عمر فرماتے ہیں: میں نے عبداللہ بن جعفر کو یہ فرماتے ہوئے سنا ہے کہ ایک دن سیدنا عمر بن خطاب رضی اللہ عنہ سیدنا سعید بن یربوع کے گھر تشریف لائے، اور ان کی بینائی زائل ہو جانے پر ان کی تعزیت فرمائی۔ اور ان کو ہدایت کی کہ جمعہ کی نماز نہیں چھوڑنی۔ انہوں نے کہا: مجھے ساتھ لے جانے والا کوئی نہیں ہے، سیدنا عمر رضی اللہ عنہ نے فرمایا: ہم آپ کے لئے آدمی بھیج دیا کریں گے۔ راوی کہتے ہیں: سیدنا عمر رضی اللہ عنہ نے غلاموں میں سے ایک لڑکا ان کی جانب بھیج دیا۔ سیدنا سعید بن یربوع رضی اللہ عنہ 120 برس کی عمر میں 54 ہجری کو مدینہ میں فوت ہوئے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6192]