ام المومنین سیدہ عائشہ رضی اللہ عنہا فرماتی ہیں کہ سیدنا صفوان بن معطل رضی اللہ عنہ سیدنا حسان بن ثابت رضی اللہ عنہ کے پاس بیٹھے، سیدنا حسان نے ان کو مارا، جب سیدنا حسان نے ان کو مارا تو سیدنا صفوان نے کچھ اشعار کہے جن کا ترجمہ یہ ہے۔ * تلوار کی دھار مجھے لگی ہے، بے شک میں بچہ تھا، جب میں ان کے پاس جاتا تھا، اور میں شاعر نہیں ہوں۔ * لیکن میں نے اپنی حمیٰ کی حفاظت کی ہے اور پاکدامن، باعزت خواتین پر جھوٹی تہمت لگانے والے سے میں نے شفا حاصل کی۔ ام المومنین سیدہ عائشہ رضی اللہ عنہا فرماتی ہیں: صفوان چلا گیا، اور سیدنا حسن بن ثابت رضی اللہ عنہ رسول اللہ صلی اللہ علیہ وسلم کی بارگاہ میں مدد طلب کرنے کے لئے آئے (یعنی ان کی شکایت لے کر آئے تاکہ ان کو سزا دی جائے) رسول اللہ صلی اللہ علیہ وسلم نے سیدنا حسان سے کہا کہ وہ صفوان نے جو کچھ بھی ان کو کہا ہے وہ رسول اللہ صلی اللہ علیہ وسلم کی رضا کے لئے ان کو معاف کر دیں۔ سیدنا حسان نے معاف کر دیا، تو رسول اللہ صلی اللہ علیہ وسلم نے اس کے عوض میں سیدنا حسان رضی اللہ عنہ کو کھجوروں کا ایک بہت بڑا باغ دیا اور ایک رومی لونڈی دی جس کا نام ” سیرین “ تھا۔ سیدنا حسان رضی اللہ عنہ نے سیدنا معاویہ رضی اللہ عنہ کی حکومت میں، یہ باغ ان کو بہت بھاری رقم کے عوض بیچ دیا تھا۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6332]