احنف بن قیس رضی اللہ عنہ فرماتے ہیں: سیدنا عثمان غنی رضی اللہ عنہ کے دور حکومت میں، میں بیت اللہ شریف کا طواف کر رہا تھا، بنی لیث کے ایک آدمی نے آ کر میرا ہاتھ پکڑا اور کہنے لگا: کیا میں تمہیں ایک خوشخبری نہ دوں؟ میں نے کہا: کیوں نہیں؟ اس نے کہا: کیا تمہیں یاد ہے جب رسول اللہ صلی اللہ علیہ وسلم نے مجھے تمہاری قوم بنی سعد کی جانب بھیجا تھا اور میں نے جا کر ان کو اسلام کی دعوت پیش کی تھی، اس پر تم نے مجھے کہا تھا: بے شک تو بھلائی کی جانب بلاتا ہے اور بھلائی کا حکم دیتا ہے، میں نے یہ بات رسول اللہ صلی اللہ علیہ وسلم تک پہنچائی تھی، (تمہاری یہ بات سن کر) رسول اللہ صلی اللہ علیہ وسلم نے تمہارے لئے مغفرت کی دعا فرمائی تھی۔ چنانچہ سیدنا احنف بن قیس فرمایا کرتے تھے: اس سے بڑھ کر مجھے اپنے کسی عمل پر امید نہیں ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6718]