مصعب بن عبداللہ سے مروی ہے کہ: احنف بن قیس بن حصین بن نزال بن عبید، مخضرم صحابی ہیں، انہوں نے نبی کریم صلی اللہ علیہ وسلم کا زمانہ پایا، رسول اللہ صلی اللہ علیہ وسلم نے اپنا صدقہ وصول کرنے والا عامل ان کی قوم کی طرف بھیجا تو احنف نے رسول اللہ صلی اللہ علیہ وسلم کے عامل کی بھرپور مدد کی، جس پر رسول اللہ صلی اللہ علیہ وسلم نے ان کے لیے دعا فرمائی۔ وہ بیان کرتے ہیں کہ: احنف کا اصل نام ضحاک تھا اور یہ بھی کہا گیا ہے کہ صخر بن قیس بن معاویہ بن حصین تھا، وہ پیدائشی طور پر ”احنف“ (پاؤں سے ٹیڑھے) تھے تو ان کی والدہ نے بچپن میں کہا تھا: ”اللہ کی قسم! اگر ان کے پاؤں میں ٹیڑھا پن نہ ہوتا تو بستی میں ان جیسا کوئی لڑکا نہ ہوتا“ اور وہ تمام عرب میں سب سے زیادہ بردبار شخص تھے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6717]