ام المومنین سیدہ عائشہ رضی اللہ عنہا فرماتی ہیں: ماریہ، رسول اللہ صلی اللہ علیہ وسلم کو تحفہ کے طور پر دی گئی تھیں، ان کے ہمراہ ان کا چچا زاد بھائی بھی تھا (ام المومنین سیدہ عائشہ رضی اللہ عنہا) فرماتی ہیں: ان کے چچا زاد نے ان کے ساتھ ناجائز تعلقات قائم کیے جس کی بناء پر وہ حاملہ ہو گئیں، نبی اکرم صلی اللہ علیہ وسلم نے اس کو اس کے چچا زاد کے ساتھ علیحدہ کر دیا، آپ فرماتی ہیں: الزام تراشی اور طعن بازی کرنے والوں نے کہا: اس کو اولاد چاہیے تھی تو اس نے کسی دوسرے کے بچے پر اپنا دعویٰ کر دیا۔ ان کی والدہ کا دودھ بہت کم آتا تھا، انہوں نے اپنے بیٹے کے لئے دودھ دینے والی ایک بکری خریدی، وہ اس بکری کا دودھ پیا کرتے تھے، جس کی بناء پر ان کی صحت بہت اچھی ہو گئی تھی۔ ام المومنین سیدہ عائشہ رضی اللہ عنہا فرماتی ہیں: ایک دن ان کو نبی اکرم صلی اللہ علیہ وسلم کے پاس ان کو پیش کیا گیا، حضور صلی اللہ علیہ وسلم نے فرمایا: تم کیسے دیکھ رہی ہو؟ میں نے عرض کی: جس بچے کی پرورش بکری کے گوشت سے ہوئی ہو، اس کی صحت اچھی ہو ہی جاتی ہے، حضور صلی اللہ علیہ وسلم نے فرمایا: کیا مشابہت بھی نہیں ہے۔ آپ فرماتی ہیں: جیسے عورتوں کی غیرت ان کو ابھارتی ہے ایسے ہی میری غیرت نے بھی اس بات پر ابھارا کہ میں کہوں کہ مجھے تو اس میں (آپ کے ساتھ کوئی) مشابہت نظر نہیں آ رہی۔ آپ فرماتی ہیں: لوگ جو باتیں بنا رہے تھے، رسول اللہ صلی اللہ علیہ وسلم تک وہ باتیں بھی پہنچ گئیں۔ حضور صلی اللہ علیہ وسلم نے سیدنا علی رضی اللہ عنہ سے فرمایا: یہ تلوار پکڑو اور ماریہ کا چچا زاد تمہیں جہاں بھی ملے اس کو قتل کر دو۔ ام المومنین فرماتی ہیں۔ سیدنا علی رضی اللہ عنہ چل پڑے، اس کو ایک باغ میں دیکھا، وہ کھجور کے درخت پر چڑھ کر کھجوریں اتار رہا تھا، جب اس نے سیدنا علی رضی اللہ عنہ کو دیکھا اور ان کے پاس تلوار بھی دیکھی تو اس پر لرزہ طاری ہو گیا، اس کی دھوتی کھل کر نیچے گر گئی، جب اس کو دیکھا تو اس کے پاس مردوں والی کوئی چیز ہی نہ تھی۔ (یعنی اس کا آلہ تناسل کٹا ہوا تھا) [المستدرك على الصحيحين/كتاب معرفة الصحابة رضي الله تعالى عنهم/حدیث: 6991]